Mudzimai weMazuva Ekupedzisira, Chikamu Chechipiri

Chidzidzo 12
Urongwa hweKereke ndiyo nzira Ishe vanoratidza nayo chido Chavo,
yavanopa nayo vana Vavo misimboti nezvisungo zvinoponesa, uye
yavanopa nayo mikana yatinoda kuti tiwane upenyu husingaperi.
Kuburikidza neKereke tino:
1. Dzidza pamusoro pechirongwa cheruponeso
Mikereke yeKereke nezvigaro zvinotipa mikana yekudzidza kuzara
kwevhangeri. Tinodzidza kudzidza nekunzwisisa zvinyorwa zvitsvene,
nzira yekuteerera misimboti yevhangeri, nenzira yekugadziririra makomborero
eupenyu husingaperi.
2. Gashiro nekuita zvisungo zvinoponesa
Tinobhabhatidzwa muKereke nevarume vakapiwa ufundisi nokudaro
imvumo inobva kuna Mwari kushanda muzita Ravo. Tinogashira
gwara patinogadzirira kugashira endawumendi (chipo chemweya)
mutemberi nemuchato wemutemberi uye tinokomborerwa patinoita
zvisungo zvevakafa vedu mumatemberi.
3. Vandudza zvibvumirano zvedu
Tinopiwa mukana wekutora chirairo (chidyo chaIshe) mumikereke yedu
nekuvandudza zvibvumirano zvatakaita neIshe pataka bhabhatidzwa.
4. Kukudziridza matarenda edu nekwaniso
Tine mikana yekuva muzvigaro zvekudzidzisa neutungamiri. Mabasa
aya anotibatsira kukudziridza matarenda edu nekwaniso.
5. Dzidza kubatsira vamwe
Kushanda muKereke nemamwe mabasa zvinokwanisa kutibatsira
kukunda undingoveni uye tinokohwa rufaro kubva mukuzvipira.
Kudzidzisa kwekumba nekudzidzisa kwekushanyira zvinopa mikana
yekuona zvinoshaikwa nevavakidzani vedu, kusanganisira vavakidzani
vangange vasiri nhengo dzeKereke.
6. Kura pamwechete murudo neushamwari
Rubatsiro nemabasa eKereke zvinoita kuti tikwanise kuziva avo vari
muwadhi kana bazi redu nemumana redu, kuti tinyaradzane munguva
dzekusuwa, nekufarirana munguva dzeupfumi nekubudirira. Nenzira
iyi tine mukana wekukura pamwechete murudo neushamwari.
■ Ita kuti nhengo yekirasi iverenge VaEfeso 2:19.
7. Zadza zvido zvemweya nezvemwoyo
■ Ratidza jagi remvura nerofu rechingwa.
Vazhinji vedu tinoziva zvazvinoita kunzwa nzara kana nyota.
Tinokwanisawo kuita nzara kana nyota isingakwanise kupedzwa
nekudya kana mvura.
102