Mudzimai weMazuva Ekupedzisira, Chikamu Chechipiri

Chidzidzo 15
yangu yekuratidza kukodzera yakauya mukudzidza kuteerera kumurairo
unotyisa—uyo wekutambira kufa kwakanga kuri pedyo kwemurume
wangu mushure memakore gumi nerimwe ekuchata nekugashira
chiedzo chekuva amai nemukadzi ndega munyika.
“Ndakanga ndatarisa Lloyd [murume wangu] achipera simba achirwarisa
zuva rega-rega. ...
“Umwe usiku hwaChikumi ndakapfugama ndega mukunamata, ndaneta
zvikuru, ndichifunga pakati peusiku ipapo kuti munhu aifanira
kuzvininipisa zvakadii kuti agashire mhinduro pakunyengerera kwake.
Pakava panguva iyoyo pandakanzwa kuputirwa kwemweya werunyararo,
kusimbiswa kwakadzama kwekuti Mwari vari pamusoro pezvese
nekuti kwakanga kuri kuda kwavo kwaitonga kwete kwangu.
Ndakazokwanisa kuti, ‘Kuda kwenyu ngakuitwe, ndichinzwa runyararo....
Ndakazorora murutendo rwangu ndikaona kuti ndakanga
ndave nekuvimba kutsva muna Ishe.
‘Asi kunyange zvazvo runyararo rwunotapira urwu rwakandiputira
handina kukwanisa kurara, uye zvakare ndakabatidza rambi.
Pandakasveerera Dzidziso neZvibvumirano, . . . rakabva ravhurika
pachikamu icho [Shoko rakapiwa kwandiri]. ... Ndakapiwa kuziva
kuti Ishe vanondida uye kuti ndaizova nesimba rekuzadzisa basa
rangu. Ndakanzwa rudo runotenderedza rwakanditsigira kubva
panguva iyoyo yeshanduko muupenyu hwangu. Kuomerwa nezviedzo
zvinoramba zvichiuya asi nguva dzese ruzivo rwechokwadi
rwekuti Jesu ndiye Kristu, Mununuri wedu, nekuti anotitsigira mukupikiswa
kunofanira kuuya muzvinhu zvese” (“Thy Will Be Done,”
muzvakanyorwa naLeon Hartshorn comp., Remarkable Stories from the
Lives of Latter-day Saint Women, mabhuku maviri [1973–75], 2:183–83).
■ Sista Oaks vakadzidza chii kuburikidza nezviedzo zvavo? Ndezvipi
zvimwe zvidzidzo zvamakadzidza kuburikidza nematambudziko
zvaungakwanise kugoverana nekirasi?
■ Sei zvakakosha kuti tidzidze kutambira kuda kwaIshe?
Apo Sista Oaks vakashandisa rutendo nemunamato, vakawana simba
nevimbiso kubva kumagwaro matsvene, vakazembera pana Jesu
Kristu, vakaona kuti vaikwanisa kutarisana nezviedzo zvavo.
Zvimwechetezvo ichokwadi kwatiri.
Rutendo mune Muponesi Wedu
Jesu Kristu anotibatsira kutakura mitoro yedu tikaMutsvaga.
■ Verengai Mateo 11:28–30. Chikomborero chipi chinovimbiswa kune
avo vanouya kuna Jesu Kristu?
128