Mudzimai weMazuva Ekupedzisira, Chikamu Chechipiri

Chidzidzo 30
anobvuma kuzviita, asi zvino ndinowana zvisina kuiitwa uye ndobva
ndozviita ini pachangu.” Ini ndikati, ‘Unoita sei?’ akati, ‘Zviri nyore
kungozviita pane kumuita kuti azviite.’ Zvakanaka, ndakagara pasi
ndikamuraira kwekanguva ndikamuudza . . . kuti apo unoronga basa,
uye wogovera mvumo iyi asi zvino waita basa racho, unenge watosunungura
munhu wacho kubva pabasa iroro . . . Zvakakosha kuti uvadzidzise
kuita basa ravo pachako” (Relief Society Courses of Study,
1976–77, pp. 121–22).
■ Mutungamiri Tanner vakayeuchidza mwanasikana wavo kuitei
sechikamu chokugovera basa? Njodzi iripapi mukuita basa racho
pachako mushure mokunge waripa kune mumwe munhu?
Kukwanisa kugovera basa nokuzoswedera kure kubva mukuita zvakanyanya
kuwanda isu pachedu kwakanyanya kukosha kuna avo vedu
vari vana amai. Sevatungamiri vevana vedu tinofanira kugovera mabasa
kwavari mudzimba dzedu. Kana vana vachiziva kuti mamwe mabasa
ndeavo uye haazoitiwi nemumwe munhu, vanozoita hanya huru kuona
kuti basa ravo raitwa. Amai vasingabvumiri vana vavo kuzadzikisa
mabasa avanenge vavapa varikuvadzivirira kubva kudzidzo yakanaka
uye inofanirwa.
Kugovera kunozorerutsa basa mudzimba dzedu, sezvakunozoitawo
mumabasa edu ekukereke. Hakuna amai vanombofanira kuita basa
rose mumba mavo. Chinhu chakadaro hachina kunaka kwatiri kana
kuvana vedu. Tinotaridza rudo rwedu kuvana vedu apo patinovapa
zvinhu zvinovaka zvokuita. Kune zvinhu zvakawanda mumba zvinokwanisa
kuitwa nevana kana amai vakaronga mabasa acho emumba
maererano nekwaniso dzevana vavo. Apo pavanopiwa mabasa emazuva
ose, vana vanowana dzidziso nemikana yakanaka yokukura.
Panguva imwecheteyo, vana vanotibatsira. Apo vana pavanobatanidzirwa
mukutaridzika nekurongwa kwedzimba dzedu, vanova nechido
madziri.
Apo patinogovera mabasa kuvana vedu, tinofanira kurangarira kuchengeta
mabasa acho ari pamwero anokwaniswa kuitwa nevana kuitira
kuti vagokwanisa kuwana budiriro nokunzwa zvakanaka pamusoro
pavo. Zvakakosha kuti tidzidzise vana vedu basa, umhizha hwebasa,
uye kuti vave vanhu vanovimbwa navo.
■ Ndeapi mabasa anokwanisa kugoverwa kuvana kuvagadzirira kuva
vabereki?
Mumabasa edu emudzimba neekuKereke, tinofanira kuziva kwaniso
dzevamwe. Kana kwaniso yedu yakakura kupinda kwaniso yemumwe
munhu, tinofanira kuva nemoyo murefu nerubatsiro. Kana kwaniso
yemumwe munhu yakakura kupinda yedu, tinofanira kuva nechido
285