Mudzimai weMazuva Ekupedzisira, Chikamu Chechipiri

Chidzidzo 15
■ Kumbira nhengo yekirasi kuti agovere chiitiko chinoratidza kusimbiswa
kwaakaitwa kuburikidza nekushandisa magwaro matsvene
kugadzirisa kana kutakura dambudziko.
Makomborero eHufundisi
Tinerombo rekugashira makomborero kuburikidza neufundisi.
Makomborero aya anokwanisa kupiirwa zvikonzero zvizhinji, kusanganisira
urwere, kunetseka, nechiedzo. (Onai chidzidzo 12 “Zvisungo
zveUfundisi,” muMudzimai waVatendi Vamazuva Ekupedzisira, Chikamu A.)
■ Koka nhengo dzekirasi kuti dzigoverane zviitiko zvavakave nazvo
pavakasimbiswa kuburikidza nechikomborero cheUfundisi munguva
dzekuedzwa.
Mutungamiri Ezra Taft Benson vakatsanangura dzimwe nguva dzatinokwanisa
kukumbira chikomborero: “Kunyanya panguva yakanyanya
kuoma, kana patinotarisira chiitiko chakakosha, munhu anokwanisa
kutsvaga chikomborero pasi pemaoko ufundisi. Kunyange Muporofita
Joseph Smith vakatsvaga uye vakagashira chikomborero pasi pemaoko
aBrigham Young uye vachigashira nyaradzo negwara zvemwoyo
wavo” (mu Conference Report, Gumiguru 1974, p. 92; kana Ensign,
Mbudzi 1974, p. 66).
Chikomborero chatateguru (patriarchal blessing) chinokwanisawo
kutipawo kunzwisisa nekutibatsira kuwana gwara. Kazhinji tinokwanisa
kuwana mhinduro kumatambudziko edu nezvinotinetsa kuburikidza
nekudzidza chikomborero chinokosha ichi.
Kubatsira neBasa
Patinopinda mukubatsira vamwe, pfungwa dzedu dzinobviswa
kubva mumatambudziko edu pachedu. Mutungamiri Lorenzo Snow
vakati, “Kana mukazviwona muine kusuwa zvishoma, tarisai pamuri
muwane mumwe munhu ari mudambudziko guru kupfuura zvamuri;
endai kwaari mobvunza kuti chii chiri kunetsa, zvino moedza kuchibvisa
neuchenjeri hunoiswa pamuri naIshe; uye chinhu chekutanga
chamunoona, kusuwa kwenyu kunopera, munonzwa kureruka,
Mweya waIshe uri pamuri, uye zvinhu zvese zvinoratidzika kujeka”
(mu Conference Report, Kubvumbi 1899, pp. 2–3).
Simba Kubva Kune Vamwe
Shamwari dzechokwadi dzinokwanisa kuteerera nekutipa mazano
nekurudziro ibatsiro huru munguva dzekunetseka. Muporofita Joseph
Smith vakanyora nezverufaro rweshamwari: “Kutapira kunoita izwi
reshamwari; chiratidzo chimwechete cheushamwari kubva kupi zvako
chinomutsa nekuisa mukushanda kunzwa kwese kwetsitsi” (Teachings
of the Prophet Joseph Smith, zvakasarudzwa Joseph Fielding Smith
[1976], p. 134).
130