Mudzimai weMazuva Ekupedzisira, Chikamu Chechipiri

Chidzidzo 32
“ Ndinoda kuva ndakagadzirira kubatsira kuvaka umambo hwaMwari
pasi pano . . . ndinotenda ndichakwanisa kuzviita chokwadi. ...”
“Chinangwa chandiri kutsvaka muupenyu huno ndechokubvumidzwa
kuva muumambo hwapamusoro soro munyika mushure meino, uye
handimbofi ndakaregera kushandira chinangwa changu. Ndakapinda
kereke kubvira pandakanga ndakura zvekukwanisa kuenda. ...”
“Ndinoda kuchata nemukomana wechiMomoni akachena uyo anokwanisa
kuenda neni kutembere, uye ndinoda kuva ndakamukodzera.
Ndinotenda kuti ndichakwanisa kupa zvizvarwa zvangu muviri
nepfungwa zvakachena uye zvakarurama, ruzivo rwangu rwevhangeri,
uye chido chokurarama kuzowana umambo hwepamusoro soro.
Ndinotenda kuti ndichabvumidzwa kugara nevadikanwi vangu
muhupenyu hunotevera hwuno uye kuti ndichava nzira yokubatsira
avo vose vandinokwanisa vakandipoteredza, neavo vose vakasanoenda,
kuti basa ravo rokutembere riitwe. Ndinoda kuva nzira yokuunza
mweya mitsva munyika uye kukwanisa kuva amai vakakodzera vakanaka,
kubatsira kuvapa imba umo mavanokwanisa kunakidzwa nemaropafadzo
mamwewo andakanakidzwa nawo mumba mangu” (sekutorwa
kwazvakaitwa neJohn H. Vandenberg mu Conference Report,
Kubvumbi 1966, p. 94; kana Improvement Era, Chikumi 1966, p. 534).
■ Ndezvipi zvinangwa chaizvo zvakamiswa naSista Higginson?
(Nyora mhinduro pabhodhi.) Ndezvipi zvimwe zvezvinangwa
izvi zvaunoda kuzvimisira pachako?
Tisati tamisa zvinangwa zvedu pachedu, tinofanira kunamata nokufungisisa.
Tinofanira kukumbira Baba voKudenga kutibatsira kuziva patinenge
tine utera, zvatinofanira kunatsa, uye kuti zvinangwa zvedu zvinofanira
kuva zvipi. Maropafadzo edu ateteguru anozotibatsirawo kunzwisisa
kuti zvinangwa zvedu pachedu zvinofanira kuva zvipi. Mirairo kubva
kuvatungamiri vedu veKereke inokwanisa kutibatsira mukumisa zvinangwa
zvedu pachedu. Tinofanira kukudziridza mafungiro akataurwa
neMutungamiri Spencer W. Kimball pakuvharwa kwemusanganoweruzhinji:
“Ndasarudza mufungwa dzangu kuti ndichaenda kumba ndigonova
murume akanaka kupinda zvandati ndamboita. Ndateerera kumirairo
nemazano ese, uye ndinovimba kuti munhu wese azvinzwa aita
zvandaita.... Ndinokukurudzirai kufunga zvakare pamusoro pezvinhu
zvaunzwa kwamuri; uye kana zvichibata upenyu hwenyu nenzira ipi
zvayo, onai kana mungazvishandisa kukudzosai—tese tese—munange
kuururami uhwo hwatakakumbirwa naIshe” (mu Conference Report,
Gumiguru 1977, p. 113; kana Ensign, Mbudzi 1977, p. 75).
Kumisa Zvinangwa Zvemhuri
Pamusoro pokumisa zvinangwa zvedu pachedu tinofanira kutaura
nemhuri dzedu nokumisa zvinangwa zvemhuri yose kuti ibudirire
301