Mudzimai weMazuva Ekupedzisira, Chikamu Chechipiri

Kunyora Ruzivo Rwako
■ Taridza mufananidzo 20-c, “Pedigree Chati.”
Chidzidzo 20
Apo patinodzidza pamusoro pamadziteteguru edu, tinofanira kunyora
ruzivo rwatinowana. Mafomu eKereke enhoroondo yemhuri—sezvakaita
pedigree chati, iro rinopa mufananidzo wehukama hwemhuri—
uye mapurogiramu epakombuyuta anokwanisa kutibatsira kuita izvi.
Zvisinei unokwanisa kushandisa nzira ipi zvayo inokubatsira kurangarira
zvaunodzidza. Zvinobatsirawo kunyora mazuva akaitwa zvisungo
kuitira kuti ugoziva kuti ndezvipi zvisungo zvichiri kuda kuitwa.
■ Dzimwe Nzira Dzinobatsira
Apo patinoendesa mazita ekuitira basa remutemberi, tinofanira kurangarira
nzira idzi dzinobatsira:
1. Sungiro yedu yokutanga ndeye madziteteguru edu pachedu.
Hatifanire kuendesa mazita evanhu vasina hukama nesu, kubatanidzira
mazita atinokwanisa kuwana mukutsvaga kwedu pachedu.
2. Munhu ane zita rinoendeswa anofanira kunge ava negore rakazara afa.
3. Kana munhu wacho akazvarwa mumakore makumi mapfumbamwe
nemashanu apfuura, mvumo inofanira kuwanikwa kubva kuhama
yapedyo inorarama zita risati raendeswa.
4. Hapana zvisungo zvinodikanwa kuitirwa vana vakazvarwa vasiri
vapenyu. Zvisinei, kana paine mukana wekuti mwana wacho akamborarama
mushure mekuzvarwa, anofanira kubatanidzwa kuvabereki
kusara kwekunge mwana wacho akazvarwa muchibvumirano
(zvichireva kuti vabereki vemwana vakabatanidzwa asati azvarwa).
5. Vana vakafa vasati vasvitsa makore masere uye vasina kuzvarwa
muchibvumirano vanofanira kungobatanidzwa chete kuvabereki
vavo. Havadi zvimwe zvisungo.
Dzimwe Nzira Dzokutora Chinhanho muNhoroondo yeMhuri
■ Taridza mufananidzo 20-d, “Tinokwanisa kutora chinhanho munhoroondo
yemhuri nekugoverano nyaya pamusoro pehupenyu hwedu
uye hupenyu hwemadziteteguru edu.”
Dzimwe nzira dzakakosha dzatinokwanisa kutora chinhanho
munhoroondo yemhuri dzinosanganisira:
Kunyora nhoroondo yako pachako neyemhuri.
Kuchengeta bhuku rendangariro.
Kutora chinhanho muhurongwa hweKereke enhoroondo yemhuri,
sezvakaita sekutsvaga zvinyorwa zvemhuri.
179