Mudzimai weMazuva Ekupedzisira, Chikamu Chechipiri

Chidzidzo 33
ruchiri kuva nesimba rakadaro pavanhu. Ruchiri kuita kuti varume
nevakadzi vave sanaMwari” (“Lets Talk About . . . Education,”
Church News, 16 Ndira 1971, p. 14).
Mikana Yokudzidza Yakawanda Zvikuru
Senhengo dzeKereke, tine nzvimbo dzinokosha nhatu dzokudzidzira:
mumba, kuchikoro, nokuKereke. Chimwe nechimwe chezvizvi chinopa
mikana yokudzidza kunoenderera mberi.
Mumba
Dzimba nemhuri dzedu dzinofanira kupa hwaro hwekudzidza. Sista
Aline R. Pettit vakataura kuti amai vavo vaikurudzira sei mhuri yavo
kudzidza:
“Pachena mundangariro dzedu maiva naAmai vachishanda mumba
vachidetemba detembo ravainyanya kufarira kana kuti vachipa pfungwa
yakakosha kana kuti ndima yezvinyorwa zvitsvene yakanyanya
kuvabata moyo. Amai vakanga vasingango verengi zvakasimba chete,
vaidzidza nomusoro zvose zvavaiverenga. Apo vaiverenga nguva
dzose vainge vane penzura nebepa pedyo, uye apo pavaiwana chinhu
chaivabata moyo, vaichinyora pasi, kwete kuti chigochengetwa kure asi
kuti chigodzidzwa nomusoro. Sevana takanga tisinganyanyi kufarira
sezvavaiita ivo ‘kudzidza nomusoro,’ asi zvisinei zvaidiwa kubva kwatiri.
Takanga tisingangosuki ndiro mumba medu, taisuka ndiro nokuisa
mundangariro pfungwa inokosha yainge yakanamirwa pamusoro pesingi.
Kudzidza nomusoro kumwecheteko kwaidiwa pataiayina.
Chikamu chekudzidza kwedu kutaura kugungano revanhu kwaisanganisira
kudetemba pamberi pechiringoringo mumba mokugezera kuitira
kuti tigogona kushandisa kwazvo maoko nekumeso kwedu pakutaura”
(“A Beautiful Journey,” Relief Society Magazine, Chivabvu1970, p. 324).
■ Chii chatingaita kubatsira mhuri yedu kudzidza mumba?
Tinokwanisa kushandisa nguva yedu zvakachenjera kuti pave nenguva
yokuverenga nokudzidza mumba. Tinokwanisa kuisa imwe nguva yorunyararo
padivi kuitira kudzidza nokukurukura. Tinokwanisa kunyatso
sarudza zvirongwa zveparedhiyo nepaterevhizheni. Tinokwanisa kunakirwa
nemabhuku akanaka nehurukuro dzinonakidza. Tinokwanisa kushandisa
manheru emhuri pamba edu senguva yokudzidza zvinhu zvitsva.
Sevachengeti vemba tinokwanisa kunatsa umhizha hwedu nokudzidza,
nokuverenga, kukurukura, nokuwongorora nokuedza nzira dzakasiyana
siyana dzekuchengeta mumba zvakanaka.
Mhuri yekwa Walter Gong muenzaniso wakanaka wezvinokwanisa
kuitwa nemhuri kudzidza pamwechete:
310