Mudzimai weMazuva Ekupedzisira, Chikamu Chechipiri

Chidzidzo 4
dza nerutendo Sabata yaIshe. Ndinopupura kwamuri kuti ndakawana
makomborero iwayo munzira dzinokosha panguva dzakawanda”
(“The Blessing of Commandments,” mu Speeches of the Year, 1974,
p. 219).
Tinofanira kukurudzira vana vedu kudzidza nekugadzirira zvidzidzo
zvavo Sabata isati yasvika kuitira kuti vanenge vakagadzirira kuzorora
pazuva iroro.
Pamusoro pekugadzirira dzimba dzedu, kudya, nembatya, nekubatsira
vana vedu kugadzirira, tinokwanisa kugadziririra Sabata nedzimwe
nzira, Tinokwanisa kuwana kuzorora kwakanaka kwemanheru
musi weMugovera manheru. Tinokwanisa kuwanisa mikana yekutandara,
mitambo, rezvimwe zvinofadza pakati pesvondo kunze kwemusi
weSabata.
■ Ndedzipi dzimwe nzira dzatinga gadzirire Sabata?
Kana takagadzirira Sabata zvakanaka, tinozova nerunyararo mudzimba
dzedu. Tinozova takagadzira pamweya saka nokudaro tova
nechido chekugashira zvinodzidziswa neMweya kwatiri.
Tinozokwanisa kugashira makomborero aye Ishe vanopa kune avo
vanochengeta zuva Ravo riri dzvene.
Kunamata Chaiko, Zororo, neRubatsiro
Patinopinda miKereke yeKereke, mamwe makomborero anouya kwatiri.
Tinosimudzirwa patinonamata pamwechete. Kuimba nziyo kunokwanisa
kuunza “chikomborero pamisoro [yedu]” (onai D&Z 25:12).
Kipinda miKereke iyi nekutora chirairo zvinozotibatsira kusimbisa
kwaniso yedu yekudzivirira zvakaipa nezviyedzo zviri munyika (onai
D&Z 59:9).
Makomborero asingatarisirwe anowanzo uya kubva mukuchengeta
zuva reSabata riri dzvene. Mumwe aiva nepanodyirwa aivhara bhizimisi
rake musi weSvondo nokuti aitenda kuti kuteerera mutemo
weSabata kwaikodzera kuzvipira pazvemari. Pavapaya akazoti:
“Gore ratakazarira bhizimisi redu musi weSvondo takaita mari yakwanda
gore rakapfuura. ...
“Ishe vakatikomborera pamakore ose uye . . . tirinani nekure panezvemari
nezvemweya kupinda zvataizombove dai takaramba tichivhura
musi weSvondo. ...
“Ndine chokwadi chakasimba kuti vimbiso huru-huru yebudiriro
mubhizimisi kune Mutendi waMazuva Ekupedzisira kukudza zuva
reSabata sekuraira kwakaita Ishe” (zvakatorwa kubva kumwe na Ezra
Taft Benson, “Kuchengeta Zuva reSabata Riri Dzvene,” Ensign,
Chivabvu 1971, p. 7).
29