Mudzimai weMazuva Ekupedzisira, Chikamu Chechipiri

Chidzidzo 34
■ Ita kuti nhengo yekirasi yakaronga wa ipe rondedzero muchidimbu
pakuti tinofanira kunamata sei (onai Musimboti weVhangeri
Chitsauko 8, “Kunamata kuna Baba vedu voKudenga.”)
Takarairwa ku “namata tichidaidzira pamwepo nemumoyo medu;
hongu, pamberi penyika pamwepo nemuchivande, pazere vanhu
pamwepo nepaunenge uri wega” (D&Z 19:28). Kutibatsira kuzadzikisa
murairo uyu, Ishe vakatipa rairo, pamwepo nzira yokunamata inozikanwa
seMunamato waIshe (onai Mateo 6:7–13 uye Nefi 13:7–13).
■ Verenga Mateo 6:7 kana 3 Nefi 13:7. Zvinorevei “Kupamhidza
zvisina maturo?” Tingakudzivirira patinonamata?
■ Verenga Mateo 6:9–13 kana 3 Nefi 13:9–13. Chii chatingadzidza
pamusoro pemunamato kubva mumutoo wakadzidziswa
neMuponesi kuvadzidzi vake? Sei zvakakosha kutambira chido
chaBaba voKudenga patinonamata?
■ Verenga Dzidziso neZvibvumirano 88:64–64. Ndeipi mirairo inopiwa
nechinyorwa chitsvene ichi maererano nemunamato? Ndeapi maropafadzo
atinovimbiswa muDzidziso neZvibvumirano 88:62–64?
Kutibatsira mukuedza kwedu kuswedera pedyo kwaVari, Baba
voKudenga vakatipa rairo kuburikidza nemuvatungamiri vedu pakuti
tinonamata sei. Bishop H. Burke Peterson vakapa zano:
“Apo unonzwa kuda kunyatsotaurirana naIshe kana kunatsa matauriro
ako navo . . . ndingapa zano here romutoo wokutevera: enda paunokwanisa
kuva wega, enda paunokwanisa kufunga, enda paunokwanisa
kugwadama, enda paunokwanisa kutaura kwaVari uchidaidzira. . . .
Zvino chivaona muziso repfungwa dzako. Fungai kuti urikutaura
kunaani, dzora pfungwa dzako—usarega dzichienda kumwe, taura
kwavari saBaba vako seshamwari yako. Zvino vaudze zvinhu zvaunonyatsa
kunzwa kuti unoda kuvaudza—pasina mashoko asina chokwadi
asingarevi chinhu, asi iva nehurukuro navo yechokwadi inobva
pamwoyo. Vataurire zviri pamwoyo wako, vakumbire ruregerero,
vadembetere, nakidzwa navo, vatende, vataurire rudo rwako kwavari,
zvino chiteera kumhinduro dzavo. Kuteerera chikamu chinokosha zvikuru
chokunamata. Mhinduro kubva kunaIshe dzinouya chinyararire—
chinyararire chikuru. Chokwadi ndechekuti, vashoma vanonzwa mhinduro
dzavo chaizvo nenzeve dzavo. Tinofanira kunyatso teerera
nokuti tikasadaro hatimbofi takadziziva. Mhinduro zhinji kubva kuna
Ishe dzinonzwikwa mumwoyo medu sokunzwa kwekugadzikana
kunodziya, kana kuti dzinokwanisa kuuya semufungo mupfungwa
dzedu. Dzinouya kuna avo vakagadzirira uye vanemwoyo murefu”
(mu Conference Report, Gumiguru 1973, p. 13; kana Ensign, Ndira 1974,
p. 19).
322