Mudzimai weMazuva Ekupedzisira, Chikamu Chechipiri

144
ZVATINOKWANISA
KUITIRWA
NEVADZIDZISI
VEDU VEKUMBA
Chidzidzo 17
Chinangwa chechidzidzo chino ndechekutibatsira kunzwisisa kusimbiswa
kungaitwe mhuri dzedu nevadzidzisi vedu vekumba nemabatsiriro
atingavaite mukuzadzikisa basa ravo.
Mabasa eVadzidzisi veKumba
“Chinguva chidiki chakapfuura mumwe mutungamiri wehoko akataura
zvekushanya kwake, nevamwe, kukirasi ye [Vana Vadiki].
Pakapinda vaenzi vakatambirwa, uye mmishoni, achida kuratidza
kukosha kwechiitiko kuvadiki ava, akati kukamwana kadiki kakanga
kari mumutsetse wepamberi, ‘Vanhu vangani vanokosha vari pano
nhasi?’ Mwana uyu akasimuka akatanga kuvaverenga achidaidzira,
akatsvika pauwandu hwegumi nevanomwe, kusanganisira munhu
wese aiva mumupanda. Pakanga paine vanhu vanokosha zvikuru
gumi nevanomwe zuva iroro, vana nevaenzi!
“Ndiwo manzwiro anoitwa naKristu, uye nesu tinofanira kunzwawo
saizvozvo” (Marion D. Hanks, mu Conference Report, Gumiguru 1972,
p. 167; kana Ensign, Ndira 1973, p. 127).
Munhu wese akakosha kuna Baba vedu veKudenga.
Ishe vakasimbisa kukosha kwemunhu pachake nemhuri
¨paVakazarurira kuna Joseph Smith chinangwa chaizoshandiswa neufundisi
kuchengeta munhu wese. Ishe vakaraira kuti varume vashanyire
imba yenhengo yega-yega, vachivaraira kunamata zvinonzwika
uye muchivande nekuita mabasa ese emhuri (onai D&Z 20:47) nekuchengeta
Kereke (onai D&Z 84:11).
■ Ndivanaani vadzidzisi vanokumbirwa kutarisa mhuri dziri muKereke?
Nhasi vadzidzisi ava vanodaidzwa kuti vadzidzisi vekumba.
Vanodaidzwa naMwari kuti vatarise vanhu Vavo, vadzidzisi vekumba
vanofanira kusimbisa vanhu nenzira dzinozovabatsira muzviitiko zveupenyu
uye nekudzokera pamberi paMwari. Vanofanira kubatsira
munhu ega-ega nemhuri kurarama vhangeri zvakazara.