Mudzimai weMazuva Ekupedzisira, Chikamu Chechipiri

Chidzidzo 8
■ Sei John akadaidza kuregerera chiremba “Getsemani” rake? John
akatangarini kufambira mberi? Ndehupi humwe hunhu hwakakudziridzwa
naJohn nokuti akaregerera?
Mukuru Sterling W. Sill vakataura nyaya inotevera pamusoro pemudzimai
akanga asina kukwanisa kuzviregerera:
“Imwe nguva yakapfuura ndakataura nemudzimai ane makore ekuzvarwa
makumi mashanu nematatu akanga apara mhosva isinakururama
pazera remakore gumi nemasere. Akanzwisisa kuti chitadzo
chake chakanga chakaipisisa, asi nokuda kwekuti akanga atendeuka
kakapetwa chiuru tinogona kuvimba nevimbiso yaIshe yekuti vakanga
vamuregerera. Asi iye akanga asina kumbo zviregerera. Nokuti ainzwa
akasviba akaderera, akazvibvisa kubva kushamwari dzake, akaramba
kuroorwa, akava sambimbindoga pazveruzhinji nezvemweya.
Kwemakore makumi matatu nemashanu aizvidzikisira nekukungura
kunechigumbu nekupomera. Upenyu hwake hwekutarisa shure pamusoro
pechivi chake kwakamupindura kumuita chimwe chinhu chiri
pasi pasi pemunhu akanakisisa aidiwa naMwari kuti ave. Chitadzo
chake pamakore gumi nemasere chakanga chakaipa zvikuru. Asi kwemakore
makumi matatu nemashanu anga achiwedzera kuchivi chake
nekutambisa chinhu chakakoshesesa munyika, chinova upenyu hwemunhu
hwakanakisisa” (What Doth it Profit, [1965], p. 183).
Patinoramba tichiyeuka kukundikana kwedu nekukanganisa, kuramba
takapfundira kunzwa kwakaipa kune vamwe, nekuramba kuzviregerera
pachedu nevamwe, tinopedza zvese nguva nesimba, Hapana chatinowana.
Tinomisa kufambira mberi kwemweya.
Mhedziso
Hazvisi nyore kuregerera vamwe nesu pachedu. Chingangove chimwe
chezviyedzo zvatichatarisana nazvo muupenyu. Patinoregerera zvakazara
nekuregerera mumwoyo medu pamwechete nekuzvitaura, tozvisunungura
kuti tifambire mberi, kunatsa upenyu hwedu nekufara.
Tinozvigadzirira kukumbira Ishe kuregerera zvitadzo zvedu.
Vakatiudza kuti kana Vatiregerera kuzvitadzo zvedu, Havazo zviyeuka
zvakare (onai D&Z 58:42). Kubvisa zvinyangadzo zvevamwe mupfungwa
dzedu nemwoyo nekusazviyeuka zvakare chikamu chinokosha
cheruregerero. Patino kanganwa pfungwa dzakaipa kune vamwe, tinounza
runyararo mumwoyo yedu. Tinotsvaga rekuva takagadzirira
kugashira hutungamiri hweMweya Mutsvene. Tinotambira kusoropodzwa
kwedu pachedu tichikushandisa kuzvinatsa. Tinenge tichifambira
mberi takananga ruponeso muumambo hwaBaba vedu
Vekudenga.
68