Mudzimai weMazuva Ekupedzisira, Chikamu Chechipiri

Chidzidzo 33
gadzirwa kuita tsono, inenge yava kukosha madhora zvuru zvitatu
nemazana maviri nemakumi masere nemashanu ($3,285). Uye kana
ikaitwa masipiringi emawachi, inenge yokosha madhora zvuru
mazana maviri nemakumi mashanu ($250 000).
“Chokwadi ndechokuti kukosha kwesimbi ndeuko chete kuinotora
kugadzira kubva mugomo. Kukosha kwayo kukuru kunotaurwa
nezvayagadzirwa kuita. Vanhu vakafanana chaizvo nesimbi. Iwe neni
tinokwanisa kuramba takaita sesimbi isinakugadsirwa kana kuti tinokwanisa
kukwenenzverwa kumwero hwapamusoro soro. Kukosha
kwedu kunotaurwa nezvatinozviita” (Spencer W. Kimball,
“On Cheating Yourself,” New Era, Kubvumbi 1972, p. 32).
■ Taridza mufananidzo 33-a, “Mudzimai arikudzidza umhizha.”
■ Chii “simbi isinakugadzirwa” kana kuti kwaniso yatinayo tose tose?
Tingaiwedzera sei? Kuenda kuchikoro kungatibatsira sei kuwedzera
kukosha kwedu pachedu?
Dzidzo yemuchikoro inotipa mukana wekuzvigadzirira kuzadzikisa
zvidikanwi Zvedu pachedu nezvido zvemhuri dzedu.Semasista, tinofanira
kukudziridza umhizha hunozoita kuti tikwanise kubatsira kuriritira
mhuri dzedu kana zvava kudikanwa.
“Wechidiki weVatendi vaMazuva Ekupedzisira wega wega anofanira
kutora rairo yeVatungamiri Vokutanga sechinhu chakakosha zvikuru
pavakati: ‘Kereke yakagara ichikurudzira nhengo dzayo, kunyanya
vechidiki, kuwana fundo yokukoreji kana kutirenwa zvakanaka mune
umwe humhizha hwebasa. ... Tinokurudzira zvakasimba vanhu
vechidiki vose kutora uye kuramba vachienderera [pazvinobvira]
nedzidzo yemuchikoro yerumwe rudzi pavanenge vapedza chikoro
chokusekondari” (William R. Siddoway, “Are Four Years of College
Necessary ?” New Era, Zvita 1971, p. 41).
Mukuru Stephen L. Richards akati: “Tinoda kuti vechidiki vedu vave
vanhu vakadzidza. Tinoda kuti vanzwisise nhoroondo yenyika uye
mirairo yepasi. Tinoda kuti vakwanise kunakirwa nezvakanakisisa
zvese izvo zvakabvumirwa naIshe mukupa kwavo kuti vanhu vakudziridze.
Tinoda kuti, nehwaro hwedzidzo vakwanise kuyera zvakachenjera
nokuita sarudzo dzakachenjera, kuitira kuti vagova nehupenyu
hunebasa nemufaro” (Where Is Wisdom? [1955], pp. 151–60).
Kudzidza kwakadaro kwakakosha kwatiri.
■ Verengazvi Dzidziso neZvibvumirano 88:78–79. Ndezvipi zvinhu
zvatinofanira kuvavarira kudzidza?
Mutungamiri Brigham Young vakatiudzawo kuti “ibasa redu kuva
vanhu vakagadzirira mumapazi ese edzidzo anozikwanwa muvanhu”
312