Mudzimai weMazuva Ekupedzisira, Chikamu Chechipiri

Chidzidzo 3
Mhedziso
Senhengo dzeKereke yaJesu Kristu yaVatendi vaMazuva Ekupedzisira,
taka vimbiswa zvipo zvemweya. Zvipo izvi zvinouya kwatiri kuburikidza
neMweya Mutsvene uye zvinopiwa naIshe kutibatsira kunatsa
upenyu hwedu nekutitungamira kudzokera pamberi Pavo. Kuti tizvitambire
tinofanira kuzvigadzirira nekukumbira murutendo nekuchengeta
mirairo. Tinofanirawo kuzvidupikusa nekuda kuita basa raIshe.
Zvekuita
Verengai 1 VaKorinte 12; Moroni 10:5–30, neDzidziso ne Zvibvumirano
46:8–26. Zivai zvenyu zvipo zvemweya motsvaka kuzvishandisa kuitira
pundutso yevamwe. Tsvakai mikana yekubatsira nhengo dzemhuri
yenyu kuti vacherechedze nekukudziridza zvipo zvavo zvakakosha.
Zvimwe Zvinyorwa Zvitsvene
■ Joere 2:28–29 (zvipo zvinofanira kupiwa)
■ Mabasa avaApostora 10:1–35 (chiratidzo chaPetro)
■ 1 VaKorinte 14:12 (tsvakai zvipo zvemweya kuitira kuropafadza
vamwe)
■ 1 Nefi 10:17–19 (simba reMweya Mutsvene)
■ Dzidziso neZvibvumirano 6:5–11 (tinofanira kugovera zvipo zvedu
zvemweya kuitira kuti vamwe vakwanise kudzidza vagounzwa
kuchokwadi)
Gadziriro yeMudzidzisi
Usati wapa chidzidzo chino:
1. Dzidza Mudzimai waVatendi vaMazuva Ekupedzisira, Chikamu A,
chidzidzo 4, “Chipo cheMweya Mutsvene.”
2. Dzidza chikamu chinoti “Chii Chipo cheMweya Mutsvene?”
MuMusimboti weVhangeri, chitsauko 21.
3. Dzidza Musimboti weVhangeri, chitsauko 22, “Zvipo zveMweya.”
4. Dzidza 1 VaKorinte 12; Moroni 10:5–30; Dzidziso neZvibvumirano
46:8–26.
5. Sarudza nhengo dzekirasi dzigotaura zviitiko pamusoro pezvipo
zvemweya zviri muchidzidzo chino.
6. Gadzira posita rakataurwa muchidzidzo kana kunyora mashoko
pabhodhi.
7. Rongera nhengo dzekirasi kuti dzipe chero nyaya, zvinyorwa zvitsvene,
kana zvakatorwa kune vamwe zvaunoda.
24