Mudzimai weMazuva Ekupedzisira, Chikamu Chechipiri

Chidzidzo 34
■ Minamato yavo yerutendo yakazadzikisa zvidikanwi zvasista ava
sei? Kutenda Bava vedu veKudenga nemaropafadzo edu kunotibatsira
sei?
Apo tinonamata tinofanira kuyeuka kuti uchenjeri hwaBaba vedu
voKudenga avo vanoziva zvose uye vakarurama nokudzidza kutambira
chido chavo muzvinhu zvose. Dzimwe nguva, muuchenjeri
hwavo, vanopindura minamato yedu nenzira dzatanga tisingatarisire.
Izvi zvinoratidzwa nechiitiko chinotevera chakataurwa
naMutungamiri N. Eldon Tanner:
“Ndakashamiswa zvikuru nemafungiro emwanasikana wangu nemurume
wake vakanga vane mwana airwara neleukemia. Vana chiremba
vakati mwana akanga asingakwanisi kuzorarama kupinda gore kana
maviri. Ndinoyeuka kuvhunduka kukuru kwavakaita nazvo uye kuteterera
kwavakaita naIshe, vakaenda kutemberi, vakatsanya nokunamata
kuti mwana aporeswe; uye chinhu chakanyanya kundishamisa
ndechokuti vaipedzisira minamato yavo nekuti ‘kwete kuda kwedu,
asi kwenyu, ngakuitwe; uye tisimbisei zvakakwana kutambira chido
chenyu kwatiri.”
“Akararama kwenguva yakareba kupinda zvakanga zvataurwa nanachiremba
asi pakupedzisira akadaidzwa kumusha, uye zvaifadza kwandiri
kunzwa vabereki vake vachitenda Ishe kuti vakanga vawana
mukana wekumurera kwenguva yavakanga vaita uye kuti akanga
ari mwana akanaka zvikuru, zvinondokukumbira Ishe kuti vavaite
vakakodzera kusangana nokugara naye muhupenyu hunotevera”
(“Importance and Efficacy of Prayer,” Ensign, Nyamavhuvhu 1971,
p. 3).
■ Zvidikanwi zvevabereki zvakazadzikiswa sei kuburikidza nemunamato?
(Vakaropafadzwa nesimbiso yavaida kuti vambire chido
chaIshe.)
■ Sei zvakakosha kunamata kuti kuda kwaIshe kuitwe? (Ishe muuchenjeri
hwavo husingagumi vanoziva zvakatinakira.)
Pamusoro pokunamatira kuti zvidikanwi zvemhuri dzedu nezvedu
pachedu zvizadzikiswe, tinofanira kunamatira vamwe muzvidikanwi
zvavo. Senhengo dzeKereke, tinokwanisa kubatana mukunamatira
avo vane zvidikanwi zvakakosha.
Kazhinji tine mikana yokunamata mumisangano yedu yeKereke.
Nezve mikana iyi, imwe nhengo yakati: “Nguva dzose ndinozvitenda
kana ndikakwanisa kugara kumberi kwegungano ndisati ndapa munamato
ndakavamiririra. Ndinotarisa pazviso zvavo ndoyedza kuwana
nzwisiso yekuti zvidikanwi zvavo zvii uye kuti maropafadzo api avanonyanya
kutenda nawo. Ndinokumbira Ishe kundibatsira kuti ndive
325