Mudzimai weMazuva Ekupedzisira, Chikamu Chechipiri

Chidzidzo 12
■ Ita kuti nhengo yekirasi iverenge Johane 4:14 ne 6:35. Jesu airevi
nemitauro iyi?
Jesu akanga asingareve nzara nenyota zvemuviri. Aitaura nezvechido
chine munhu wese chekugutsa mweya. Zvokwadi zvaAkadzidzisa
zvinogona kugutsa zvizere zvido zvemweya zveavo vanozvidzidza
nekuzvigara.
Apo Hartman Rector Jr., akazova nhengo yevane Makumi Manomwe,
paaidzidziswa nemamishinari nekudzidza pamusoro peKereke, akanzwa
kuti akange akuzove nekugutswa kwenzara yake yemweya:
“Kudzidza kwakadai kwakanga kwakaita sekudya nekunwa kumurume
ari kuziya. Ndakanga ndatsvaga mhinduro idzi kwemakore,
ndatarisa kwese-kwese; uye zvino pekupedzisira ndakanga ndava
kupindurwa mibvunzo yangu yese zvakazara. Ndabazara nerufaro
nekutenda kuna Baba vangu vari kudenga nokuda kwenyasha dzavo
huru kwandiri” (Hartman and Connie Rector, No More Strangers,
mabhuku mana. [1971–90], 1:9).
■ Kumbira nhengo dzekirasi kugoverana nevamwe zviitiko zvakadai
kana manzwiro pamusoro peshoko reKereke yakadzorerwa.
Mukuru Howard W. Hunter vakaisa mumazwi mashoma kubudirira
kweurongwa hweKereke mukuparidza vhangeri rakadzorerwa.
Kubvira kudzorerwa muna 1830, “chishamiso chakakwaniswa sezvo
ufundisi hwakaropafadza vhangeri rakadzorerwa. Temberi dzakavakwa
panzvimbo ino nedzimwe nzvimbo munyika. Dzimba dzekunamatira
dziri munyika dzakasiyana panyika. ...[Zviuru zve] mamishinari
vazere varikuparidza vhangeri munyika dzakawanda. ...Nzvimbo
dzekudzidzira nezvikoro munyika dzakawanda dzinopa zvidzidzo
zuva rega rega kuvanhu vechidiki vanopfuura chikamu chimwechete
kubva muzvina chemiriyoni pazuva, kwete chete muzvikamu zvezvidzidzo
zvemunyika, asi muzvokwadi zvekusingaperi zvevhangeri”
(mu Conference Report, Gumiguru 1972, p. 67; kana Ensign, Ndira 1973,
p. 65).
Mhedziso
Jesu Kristu anotungamira mabasa eKereke panyika nekuzivisa chido
Chake kumaporofita Ake. Mune zvese zvaAnoita, Muponesi ane hanya
nemagariro evanhu vese. Akamisa urongwa hwake hweKereke kuitira
chinangwa chitsvene chekuzadzisa zvido zvemweya, zvemwoyo, zvepfungwa,
zvemagariro nezvenyama zvemumwe nemumwe wedu.
Zvekuita
Tsvagai kugashira pundutso dzeurongwa hweKereke nekupinda nekutora
chirairo (chidyo chaIshe) nemimwe mikereke yeKereke nekutambira
103