Mudzimai weMazuva Ekupedzisira, Chikamu Chechipiri

Chidzidzo 32
Apo patinenge tichiedza kubudirira pazvinangwa zvedu, tinokwanisa
dzimwe nguva kuora moyo. Pamwe “wakanzwa saamai vechidiki avo
vakanga vakaremerwa nematambudziko avo pachavo, zvimanikidzo,
nekushingaidzika zvokuti vakanzwa kunge vakanga vasina kukodzera
kuzvikunda. Ivo nemurume wavo vaida mhuri yakakura. Zvino vaipokana
zvakasimba kana vaiva nekwaniso yokurera avo vana vavakanga
vatoropafadzwa navo naIshe. ... Vakachema nekushaya zvokuita
pamusiyano wezvakarurama nemaitiro avo pachavo. Vaiva nechokwadi
kuti havaimbofa vakakodzera ruponeso, havaimbofa vakava
munhu akarurama.
“Zvino vakagwadama nemwoyo unozvininipisa kuti vawane rubatsiro
kubva kuna Ishe. Pashure, mumusangano wechirairo, vakatambira
mhinduro yavo. Mushure mokuverenga 1 Nefi 3:7, bhishopi akapa
uchapupu hwake kuti Ishe havapi murairo kusara kwekunge vagadzirira
nzira yokuti tibudirire pauri. Mushure maizvozvo, vakanyora tsamba
. . . vachitsanangura kunzwa kwavo. ... ‘Mushure mekupupura
kwabhishopi, ndakatanga kuverenga magwaro matsvene nokunamata
zuva rega rega. Ndakatsidzira kuti ndaifanira kuzvigadzirira kuti ndigokwanisa
kukumbira Ishe rubatsiro rwese rwandaida. Zvino, ndirikuzviita
uye ndinoshamiswa nemusiyano wavapo muupenyu hwangu.
Ndinouda musiyano wacho! Zvekare ndava kunzwa kufara kukuru
ndava neruvimbo rwakawedzerwa . . . handingati handimbokundikani,
asi ndinonzwa zvirinani pamusoro pezvinhu. Uye ndinoziva kuti
ndirikufambira mberizvakasimba munzvimbo zhinji” (Relief Soceity
Courses of Study, 1978–79, p. 8).
Kunyangwe tinganyatsotevera mazano akapiwa kubudirira pazvinangwa
zvedu, dzimwe nguva tingangotadza kubudirira pazviri.
Dzimwe nguva Ishe nouchengeri vane zvirongwa nesu zvakasiyina
neizvo zvatinenge tasarudza. Sista Sandra Covey vakataura chiitiko
chemwanasikana wavo aiyaruka:
“Kusarudzwa semutungamiri wevakuzi wechikoro chesekondari chake
kwakataridzika kuvandicho chinhu chaikoshesesa muupenyu hwake.
Akanga ashanda kwemwedzi yakawanda achidzidzira zuva rega rega
matambiro namakuziro acho.”
“Aitaridzika kuti aizova mumwe wevakundi vashanu nyore nyore.”
“Akarwadziwa zvikuru paakaruza. Akaruza nemavhoti mashomanana,
asi akaruza.”
“ ‘Amai, hamuzivi chete kuti izvi zvanga zvakakosha zvakadii kwandiri,’
akachema. “Ndicho chimwe chezvinangwa zvoupenyu hwangu.
Sei Ishe vandiregerera ini ndakanamata zvakasimba kudaro?. ...
Ndakadzidzira kwemwedzi mitanhatu. Handaikwanisa kuedza kupfuura
zvandakaita.”
305