Mudzimai weMazuva Ekupedzisira, Chikamu Chechipiri

Chidzidzo 14
Muchato
“Isu, Vatungamiri Vekutanga neDare reVaapositora Gumi nevaviri
veSangano raJesu Kristu raVatendi vaMazuva Ekupedzisira, tinozivisa
nekutsiga kwose kuti muchato pakati pemurume nemukadzi unogadzwa
naMwari uye kuti mhuri yakakosha kuchinangwa cheMusiki
chemagumo ekusingaperi evana Vavo” (“Mhuri: Chiziviso kuNyika,”
Ensign, Mbudzi 1995, p. 102).
Kurambana
“Sei dzimba dzese idzi dzakaparara? Chii chinoitika kumichato inotanga
nerudo rwechokwadi nechido chekuvimbika nekutendeka nekuitirana
chokwadi?. ...
“Ndinoona undingoveni iri iwo mudzi wechikonzero chazvo. ...
“Pane mushonga wezvese izvi. Hauwanikwe mukurambana.
Unowanikwa muvhangeri reMwanakomana waMwari. Ndiye akati,
‘Naizvozvo icho Mwari chavabatanidza pamwechete, ngakurege kuva
nemunhu anochiparadza’ (Mateo 19:6). Mushonga wematambudziko
emichato mizhinji hakuzi kurambana. Uri mukutendeuka. Hausi mukuparadzana.
Uri mukuvimbika kuri nyore kunoita munhu atarisane
nesungiro dzake asingazengurire. Unowanikwa muMumutemo
weNdarama” (Gordon B. Hinckley, mu Conference Report, Kubvumbi
1991, p. 97; kana Ensign, Chivabvu 1991, pp. 73–74).
Mishonga Isiri Pamutemo
“Siyanai nemishonga isiri pamutemo. Inogona kunyatso kuparadzai.
Inobvisa masimba enyu ekufunga. Inokuitai nhapwa nenzira ine uturu
yakaipisisa. Inoparadza pfungwa yenyu nemuviri. Inovaka mamuri
kupanga kwekuti munoita chinhu chese-chese kuigutsa” (Gordon B.
Hinkley, mu Conference Report, Kubvumbi 1998, p. 67; kana Ensign,
Chivabvu 1998, p. 50).
Zvinyorwa kana Mifananidzo kana Mabhaisikopo Anonyadzira
“Munogara munyika yezviedzo zvinotyisa. Zvinonyadzisira netsvina
yazvo inosemesa, zvinopararira pasi rose semasaisai anoputina.
Muchetura. Musazvitarise uye musazviverenge. Zvinokuparadzai kana
mukadaro. Zvinobvisa pamuri rukudzo rwenyu. Zvinokubirai ruzivo
rwezvakanaka zveupenyu. Zvinokudzikisai zvokuzvuvirai mumadhaka
epfungwa dzakaipa nedzimwe nguva ezviito zvakaipa. Ibvai
pazviri. Zvidzivirirei sezvamungaita kuchirwerere chakaipa, nokuti
zvinourayawo. Ivai neunhu hwakanaka mupfungwa nezviito. Mwari
vakadyara mamuri, nechinangwa, chido chinokwanisa zvirinyore
kuparadzirwa kuuipi nemagumo anoparadza” (Gordon B. Hinckley,
mu Conference Report, Gumiguru 1997, pp. 71–72; kana Ensign,
Mbudzi 1997, p. 51).
120