Mudzimai weMazuva Ekupedzisira, Chikamu Chechipiri

Chidzidzo 3
“Usiku, ndakava nekuzarurirwa, ndakarota ndichifamba, ndakatakura
mutoro mukuru mumaoko angu. Ndakanga ndafamba kwenguva
yakareba uye ndakanga ndaneta nekutakura mutoro unorema zvakadai.
Zvino ndakaona Ishe wedu Jesu Kristu, akatora mutoro uyu kubva
mumaoko angu okandikoka, achiti, ‘Uya, nditevere.’ Mangwanani
akatevera ndakanzwa zvakanakisa; kutya kwakanga kwandisiya.
Ndakamhanyira kumutungamiri webazi kunomuudza zvakanga
zvaitika, kuti ndakanga ndisisatye uye kuti ndaiva nechokwadi kuti
zvakanga zviriizvo, saka ndakwanisa kuramba ndichishanda muBato
reMadzima kwemakore semutungamiri nevatevedzeri vaviri vanoshamisa”
(“He Took The Weight out of My Hands,” Remarkable Stories from
the Lives of Latter-day Saint Women, 2:87).
■ Sei Sista Flores vaida chipo chemweya chezvakazarurwa zvemunhu
pachake?
Pamusoro pezviroto, pane dzimwe nzira dzinokwanisa kushandiswa
neMweya Mutsvene kuratidza chokwadi kwatiri. Unogona kutikonzera
kuti tive nechiratidzo (onai D&Z 76:12). Tinokwanisa kunzwa
izwi (onai Mosesi 5:4). Mweya Mutsvene unokwanisa kutaura kwatiri
mupfungwa dzedu (onai Enos 1:10; D&Z 6:23). Tinokwanisa kunzwa
simba reMweya Mutsvene patinonzwa mazwi echokwadi emumishonari,
emuporofita, kana mumwe muranda waIshe (onai D&Z
46:13–14). Tinozwa rutendo rusingazunguzike mumazwi aIshe (onai
Ether 3:11–12). Tinokwanisa kuwana runyararo rwunotapira rwunouya
kana Ishe vajekesa pfungwa dzedu neMweya weChokwadi patino
bvunza kwaVari (onai D&Z 6:14–16, 21–24).
Sista Afton Affleck veku Salt Lake City vakataura chiitiko chavo
pachavo nechipo chemweya:
“Ndakanga ndichigadzirira mabiko a kisimusi anoshamisa. ... Ndaida
kuti ive yakanakisa, asi apo ndakanga ndichishanda pane kumwe
kugadzirira, ndakava nemusoro unotema wakaramba uchinyanyisa
kurwadza. Ndakaedza kwenguva refu masikati kubata Bob [murume
wangu]. Izwi rakati kwandiri. ‘Une chirwere chemuzongoza,’ ndikabva
ndadaidzira, ‘Aa, kwete!’ Baba vangu vakanga vafa nechirwere
chemuzongoza!. ...
“Pakauya chiremba, akasimudza mudenga rimwe remakumbo angu
mutsipa wangu ukarwadza zvikuru. Akati kuna Bob, ‘Ngatimunamatire,’
saka vakaita izvozvo. Tisati taenda kuchipatara, Bob akaridzira runhare
Mutungamiri Robert Young vekutemberi yeSalt Lake akava-kumbira kuti
vasangane nesu ikoko....
“Kuchipatara Mutungamiri Young naBob vakandinamatira ndikavanzwa
kunyange ndakanga ndakadzimirwa. Mutungamiri Young vaka-
22