Mudzimai weMazuva Ekupedzisira, Chikamu Chechipiri

Chidzidzo 6
“Ndakati: ‘Aa, Itsvina yakachena iyo iri pamaoko enyu. Ndinoda
kubatana maoko nemi. Ndinofara kudaro. Ndinoda kudaro.’
“Vakati, ‘Kwete iyezvino.’ Zvino vakagwadama vakatanga kukambaira
kuenda kukamba kavo. Pakona pemba yacho pakanga paine foshoro.
Vakasimudza foshoro iyoyo vakakambaira vachienda kune rimwe divi
vachiyera nhano pavaienda. Vakazosvika panzvimbo pacho vakatanga
kuchera vachidzika muvhu nefoshoro iyoyo. Yakazo rova chimwe chinhu
chakaoma. Vakaburitsa ivhu nemaoko avo vakaburitsa gaba remichero.
Vakavhura gaba remichero iroro . . . vakaburitsa chimwe chinhu
vachitambidza kwandiri, zvakaita kuti yakanga iri mari yeNew Zealand.
Mumari yeAmerica ingadai yakanga yakaenzana nemadhora zana.
“Vakati: ‘Icho ndicho chegumi changu. Zvino ndingakwazisane nehufundisi
hwaMwari.’
“Ndakati: Hamuna chikwereti chechegumi chakakura kudaro.’
“Vakati: ‘Ndinozviziva. Handina chikwereti ikozvino, asi ndiri kubhadharira
imwe zvepamberi, nokuti handizive kuti hufundisi hwaMwari
hunozouya kumba kwangu rinhi.’
“Zvino ndakakotamira kwavari ndikagumanisa mhuno yangu nemhanza
pane yavo, misodzi yemumaziso angu yakadzika nematama avo”
(mu Conference Report, Gumiguru 1948, pp. 159– 60).
■ Sei Mukuru Cowley vakachema pamusoro pemuripo wemudzimai
uyu wezvegumi zvake nemipiro? Sei tichifanira kupa zvegumi
zvedu nemipiro nokuzvidira?
Mutungamiri David O. Mckay vakati, “Uyo anopa [chegumi] nokuti
anoda kubatsira vamwe nokufambisa basa reutsvene, anopa norufaro
nekutenda mumwoyo make . . . ane mubaïro wake; nokuti mukupa
arikuwana [makomborero]” (“The Tenth Part,” Improvement Era,
Gumiguru 1956, p. 701).
■ Kubhadhara kwenyu chegumi nemipiro kunoratidza sei rudo kuva
koma nehanzvadzi dzenyu dzemuKereke? Kunoratidza sei rudo
rwenyu kuna Ishe?
Mhedziso
Mwari Baba veKudenga vanoziva zvatinoda. Vakatipa murairo uyu
nevimbiso: “Asi tangai kutsvaga umambo hwaMwari, nokururama
kwake; izvozvi zvose zvachawedzerwa kwamuri” (Mateo 6:33).
Kubhadhara kwechokwadi kwechegumi nekupa kwemipiro inzira dzinokosha
dzekuratidza rudo rwaBaba vedu Vekudenga nekuda kwedu
kubatsira kuva kaumambo Hwavo panyika. Mutungamiri Joseph F.
Smith vakaraira: “Nemutemo uyu (chegumi) kuvimbika kwevanhu
51