Mudzimai weMazuva Ekupedzisira, Chikamu Chechipiri

Chidzidzo 26
“Mushure memakore mana kukoreji pasina zororo murume wangu
neni takatanga kuchine mwedzi yakawanda kurongera zororo rake raibhadarwa
rokutanga. Ndakashena shena kusona makwiriti nokuatengesa
kuzvitoro zvezvigadzirwa zvemaoko kusvikira takwanisa kuisa
pamwepo mari yakakwana kutenga tende. Takaverenga matutu nematutu
etubhuku twenzvimbo dzezororo ndokubva tabhuka kwataizonokemba.
...
“Kwemwedzi mitatu takapira hafu yenguva yamanheru emhuri pamba
pakunyora pasi zvinhu zvose zvaizodiwa nokudhirowa mifananidzo
yezvinoitwa kukembi kuitira kuti mwana wedu aiva nemakore matatu,
Alicia, akwanise kufarirawo rwendo urwu. Akava nemufaro sewataiva
nawo, uye nenguva isipi ndakamuwana achiedza kutsanangura kukemba
kumwanakomana wedu anegore rimwechete. . . .
“Zvino, kwasara vhiki nhatu, takamutswa mamwe mangwanani
ngwanani nekuchema kwemwana akanga abatwa negwirikwiti
mushure mevhiki mbiri, tasarirwa nevhiki kuenda, Alcia akabatawo
gwirikwiti. Nekusuwa kukuru takaedza kutsanangura kwaari kuti
akanga asingakwanise kuenda kunokemba negwerikwiti. ...
Akarambisa ‘Kwete, Baba. Mamwe mazuva matanhatu chete. Ichi
chivimbiso!’
“Murume wangu neni tinobvumirana kuti vimbiso kumwana chinhu
chinoyera uye panguva iyoyo tese takava nezano rakanakisisa rimwe.
Mushure memazuva matanhatu takagarisa vanamumotokari yokufungidzira
yakanga yagadzirwa nokunyatsoisa zvigaro zvomukicheni
panzvimbo dzakafanira tikadhiraivha kuenda kupaki yekufungidzira
yakanga iri pakati pemupanda wedu wekutandarira. Taisa fanicha
yese kumadziro, takakwanisa kusungirira tambo dzetende kumakumbo
etumatafura tudiki nekumakumbo emasofa. Tapedza kuvaka,
takapinda mutende medu tikanakidzwa nokukemba kwatanga tamirira
kwenguva yakareba!” (Gayle E. Walker, “The Camp-In,” Ensign,
Chikunguru 1976, p. 63).
■ Mhuri iyi yakashandura zororo rayo sei kuti ienderane nezvido zvemhuri
yawo?
Magwaro matsvene anotiudza kuti “Chinhu chimwe nechimwe chinemusi
wacho, uye shoko rimwe nerimwe pasi pedenga rinenguva yaro,’
izvi zvinosanganisira “nguva yokuseka” (Maparidzi 3:1,4). Dzimba
dzedu dzinofanira kuva zvimbo dzinonzwikwa kuseka kakawanda
uye mune runyemwerero mazuva ose. Zvisinei nokuti mazera edu
nekwaniso dzedu zvakasiyana zvakadii mukati memhuri, tinofanira
kuwana nzira dzokuzorora nokutandara pamwechete.
249