Mudzimai weMazuva Ekupedzisira, Chikamu Chechipiri

Chidzidzo 9
Paakabvunzwa kuti sei airatidzika kufara nekugutsikana nebasa rake,
mumwe mudzimai akapindura, “Chinhu chikuru ndechekuti ndinofunga
pfungwa dzakanaka.”
■ Chii chamungafunge pamusoro pacho kuitira kuchengeta pfungwa
dzisina kuchena dziri kunze?
Tinofanira kubata pfungwa dzedu semba yekuchengetera zvinhu zvakanaka,
uye hatizowana nzvimbo yezvimwewo zvinhu.
Tsvagai pfungwa dzakanaka muZvinyorwa zvitsvene. Dzinopa runyararo,
ruzivo, yambiro, mazano, nhoroondo, nhetembo nezvimwe zvinhu
zvekupfumisa pfungwa. Mabhuku eKereke anopa zvinhu zvinosimudzira
nenyaya dzekuti tinakidzwe nekudzidza.
Pfungwa ineutano inogara ichishanda. Tinofanira kugarisa pfungwa
dzedu dzichi shena-shena kuronga nekufunga. Tinofanira kuedza
kuisa pfungwa dzede pamazano akanaka. Kana tichitunhwa nepfungwa
dzakanaka, hakuna muganhu pakubudirira kwatinokwanisa
kuwana muupenyu huno nemunyika ichazouya.
Mweya Mutsvene unokwanisa kutibatsira kudzora pfungwa dzedu.
Patinoteerera kutunza kwawo, tinogona kudzora pfungwa dzedu,
mazwi, nezviito. Tinofanira kunamatira rubatsiro rweMweya
Mutsvene.
■ Verengai Johane 14:26. Mweya Mutsvene unotibatsira sei?
Patinotunzwa neMweya Mutsvene kuyeuka dzidziso dzeMuponesi,
tinokwanisa zvirinani kunangisa pfungwa dzedu kuti dzive tsvene.
Mweya Mutsvene unonzi Munyaradzi nokuti ibasa Rawo kuunza
“nyaradzo, rudo, runyararo, kunakidzwa kwakanyarara, nenyaradzo
kuvatendi” (Bruce R. McConkie, Mormon Doctrine, bhuku rechipiri
[1966], p. 148).
Tinokwanisa kuregererwa pakufunga pfungwa dzakaipa kana tikatendeuka.
■ Chii chauri kuita kudzora pfungwa dzako?
■ Sei zvakakosha kwauri kuti usimbise dziviriro yako kupfungwa dzisina
kuchena?
Hatikwanise nguva dzose kunzvenga vanhu vane kufunga nezviito
zvisingawirirane netsika dzevhangeri. Ichi ichokwadi kunyanya kuvanhu
vechidiki.
■ Tingabatsira sei vanhu vechidiki veKereke kupikisa shandutso dzinonyadza
dzakavatenderedza, dzakaita semutauro nezviito zvinonyadzisira,
mabhuku asina kunaka, mabhaisikopo nemitambo eterevhizhini?
75