Mudzimai weMazuva Ekupedzisira, Chikamu Chechipiri

Chidzidzo 9
■ Vabereki vangadzidzise sei vana vavo kukosha kwekuchengeta pfungwa
dzavo dzakachena?
Mhedziso
Pfungwa dzedu dzinokonzera zviito zvedu. Mukuedza kwedu kuti
tive saBaba vedu Vekudenga, zvakakosha kuti tichengete pfungwa
dzedu dzakachene dziri tsvene. Kunyange zvazvo shandutso dzakaipa
dziri kwese dzakatitenderedza, tinokwanisa kudzora pfungwa dzedu
todzinangisa munzira yakanaka.
Tinofanira kuedza kunzvenga zvinhu zvinokuridzira pfungwa dzisina
kuchena. Tinoda kusarudza zvakachenjera shamwari dzedu, zvirongwa
zveterevhizhini nemavhidhiyo, mabhaisikopo, mabhuku, nemamagazini.
Tinofanira kuva nechokwadi kuronga nzira dzakanaka umo
matinogona kunangisa pfungwa dzedu. Pfungwa dzakaita semvura.
Dzinoramba dzichimhanya uye, kana dzikasanangiswa, dzinofambafamba
nemunzira dzisinganetse munzvimbo dzakadzikira. Tinofanira
kuchengeta mirairo yaMwari uye totsvaga ufambidzani hweMweya
Mutsvene. Tinofanira kugaro namata, tichikumbira patinoshanda
kudzora pfungwa dzedu nekudzichengeta dzakachena.
■ Ita kuti nhengo yekirasi iverenge zvakadzokororwa zvinotevera:
“Dyara pfungwa, kohwa chiito,
Dyara chiito, kohwa tsika,
Dyara tsika, kohwa hunhu,
Dyara hunhu, kohwa magumo ekusingaperi” (William Makepeace
Thackeray, zvakadzokororwa naDavid O. Mckay mu Treasures of Life
[1962], p. 418).
■ Verengai Aruma 12:14. Chinyorwa chitsvene ichi chinotii pamusoro
pekuchengeta pfungwa dzedu dziri tsvene?
Zvekuita
Tsvaga ufambidzani hweMweya Mutsvene kukubatsira kudzora pfungwa
dzako. Ziva nemusoro rwiyo rweKereke kana chinyorwa chitsvene
kana kutsvaga imwe nzira yekubvisa pfungwa dzakaipa.
Verenga mamagazini eKereke nezvimwe zvinhu zvinosimudzira zvauinazvo.
Verenga Zvinyorwa zvitsvene zuva rega–rega.
Zvimwe Zvinyorwa Zvitsvene
■ Zvirevo 12:5, 15:26 (pfungwa nemazwi zvakarurama)
■ Jakobo 1:12–27 (Mwari havatiyedze kuita zvakaipa)
■ Jakobho 3:1–2 (kuchena kwemwoyo nekusimba kwepfungwa)
■ Mosiah 4:30; 5:13 (rambai muri muururami kana kuparara)
76