Mudzimai weMazuva Ekupedzisira, Chikamu Chechipiri

Chidzidzo 29
hwedu neshamwari dzedu nenhengo dzemhuri dzedu. Sevatungamiri
vemhuri dzavo, vabereki vanofanira kuvavarira kuva vatungamiri
vakanakisa kusvika pazvinobvira. Kwaniso dzehutungamiri hwakanaka
dzinotibatsira kushanda noruyanano nemhuri dzedu, neshamwari
dzedu, uye nevavakidzani vedu.
Sezvo Kereke yakarongwa munyika dzose dzepasi uye basa raIshe richiramba
richikura, vazhinji vedu vachadaidzwa kutungamirira vamwe.
Mukuru Sterling W. Sill vakasimbisisa kukosha kwevatungamiri vakanaka
pavakati, “Musoja anokwanisa kurwa zvakasimba, mutengesi anokwanisa
kutengesa zvinhu zvakawanda, mwana anokwanisa kuita basa
rokuchikoro ririnani, uye mumishinari anokwanisa kutendeutsa vakawanda
kana akashanda ari pasi perairo yemunhu anoziva kudzidzisa
nokukurudzira nokutirena nokuraira nokuda nokurumbidza nokuita
izvo zvimwe zvinhu zvakakosha [zvinoitwa nevatungamiri vakanaka]”
(“The Problem Is Always the Same,” Ensign, Kurume 1973, p. 34).
Tinokwanisa kukudziridza kwaniso yokutungamirira kana tikashada
pairi. Tinofanira kuzvigadzirira nokudzidza misimboti yehutungamiri
hwakanaka kuburikidza nekusimba kwedu muKereke. Zvino tinofanira
kurarama misimboti iyi muhupenyu hwedu hwamazuva ose.
Jesu Ndiye Mutungamiri Akarurama
■ Taridza mufananidzo 29-b, “Jesu Kristu neVaApositora.”
Jesu Kristu aiva muenzaniso wemutungamiri akarurama nokuti
Akadzidza kutevera zvakarurama chido chaBaba Vake. Kuti tive vatungamiri
vanobudirira zvechokwadi, tinofanira kudzidza kuteerera
yambiro myoronyoro yeMuponesi, “Huyai, . . . munditeveri” (Marko
10:21). Izvi zvinoda kuti tidzidze kuita zvakaitwa neMuponesi uye titevere
muenzaniso Wake. Zvinotevera ndehumwe hunhu hwehutungamiri
hwatinokwanisa kudzidza kubva kuMuponesi:
Jesu Aizvigadzirira. Aitsanya, nokunamata, nokudzidza, nguva dzose
achitsvaka kudzidza chido chaBaba. Tinokurudzirwa kudzidza nokuzvigadzirira
(onai D&Z 88:118–19). Apo tinotsanya, nokunamata, nokudzidza,
tinokwanisawo kuziva chido chaBaba vedu Vokudenga nokuwedzera
kwaniso yedu yekushandira vamwe sezvaVangada kuti tiite.
Jesu aida vanhu vaAitungamirira. Rudo pamwe ndirwo chinhu chinonyanya
kukosha chingava nevatungamiri, nokuti zvinoreva kuti vane
hanya yechokwadi kuna avo vavanotungamirira. Kana vachida avo
vavanotungamira, vanoda kuvabatsira kubudirira pazvinangwa zvavo.
Senhengo dzeKereke yaJesu Kristu yaVatendi vaMazuva Ekupedzisira,
tese tine chinangwa chimwechete— kudzokera kunogara naBaba vedu
Vekudenga muhumambo hwepamusoro soro. Panguva dzose nemu-
273