Mudzimai weMazuva Ekupedzisira, Chikamu Chechipiri

Chidzidzo 19
Nhoroondo Yemhuri
Nhoroondo yemhuri inofanira kusanganisira ruzhinji rweruzivo
serwenhoroondo yako. Kana zvichikwanisika, bvunza nhengo dzemhuri
kuti vakupe ruzivo rwavo pachavo. Nyora nyaya, zviitiko,
nerumwe ruzivo rwaungange wakanzwa kana rwaungange uinarwo
pamusoro paana sekuru naanambuya uye madziteteguru akashaya.
Izvi zvingangosanganisira:
1. Kunyika kwavakabva.
2. Nzvimbo nemazuva ekwavakagara.
3. Mabasa avaiita.
4. Nhengo yemhuri yakatanga kutendeukira kuKereke yaJesu Kristu
yaVatendi vaMauva Ekupedzisira uye mazita emamishonari vakavadzidzisa
vhangeri.
Chengetera vana vako zvinyorwa zvemazuva ekuzvarwa, erufu,
emchato, madheti akaitwa zvisungo, emamishoni, nezvimwe zvakadaro,
uye zvitupa zezviitiko zvakakosha izvi. Kurudzira vana vako
kuchengeta nhoroondo nezvinyorwa zvavo pachavo.
Bhuku Rendangariro Rako Pachako
Bhuku rendangariro rinofanira kuva nezviitiko zvichangoitika zvezuva
rega rega kana vhiki yega yega. Rinofanira kuva chobo chokuchengetera
zvinyorwa yezviitiko zvinotora nzvimbo muupenyu hwako
pachako izvo zvinoreva chinhu.
“Lynetta Kunz Bingham wekuTulsa, Oklahoma, anotakura bhuku
rekunyorera paari nguva dzose, kunyangwe achifamba rwendo.
Nokunyora pasi manotsi ezvinhu zvinoitika, ane zvinyorwa zvakanaka
zvaanozonyora kuita nhoroondo yegore negore. Anonyanya kunyora
zviitiko zvinomusimudzira iye pachake, izvo zvaanogoverana navamwe,
kana zvakafanira, sekurudziro kwavari kuti vachengete zvinyorwa
zvavo pachavowo.
“ ‘Zviitiko izvi zvinobatsira chaizvo apo paunenge warwadzwa moyo
uye uchinzwa kusuwa kukuru,’ anodaro. ‘Kana ukakwanisa kutungamirira
vamwe mubasa iri, rinovapa gwara muhupenyu hwavo’ ” (Jon
Webb, “Beyond Pen and Ink,” Ensign, Ndira 1977, pp. 19–20).
Mutungamiri Spencer W. Kimball vakakurudzira mhuri yega-yega
“kudzidzisa vana vavo kubvira vachiri vadiki kuchengeta bhuku
rendangariro rezviitiko zvinokosha zveupenyu hwavo, uye kunyanya
apo pavanotanga kubva pamba vakuenda kuchikoro uye mishoni”
(mu Conference Report, Gumiguru 1977, p. 4; kana Ensign, Mbudzi
1977, p. 4).
168