Mudzimai weMazuva Ekupedzisira, Chikamu Chechipiri

Chidzidzo 32
pazviri. Tinokwanisa kushanda pazvinangwa zvedu pachedu nepazvinangwa
zvemhuri panguva imwecheteyo. Semhuri tingangoda
kumisa chinangwa chomunhu wose chokuwedzera rudo, runyararo,
nerufaro mumba.
■ Ndezvipi zvinangwa zvemhuri zvatingamisa zvinozobatsira mhuri
dzedu kuwedzera runyararo mudzimba dzedu?
Vamwe vedu tingangoda kuwedzera ruzivo rwemhuri yedu rwemagwaro
matsvene kana kunatsa kupinda nokusimba kwedu muKereke.
Vamwe vedu tingangoda kushanda nemhuri dzedu kunatsa kuchena
nokunaka kwedzimba dzedu. Mhuri dzedu dzingangofanira kunatsa
nzira yatinoshandisa mari yedu, kana tingangofanira kutanga chirongwa
chekuchengeta zvokudya pamba.Mukuru Rex D. Pinegar vakataura
nezve chiitiko chavakava nacho ivo nemhuri yavo mukumisa zvinangwa
zvemhuri:
“Rimwe zuva mudzimai wangu akandibvunza mubvunzo unoshamisa
wakandivhundutsa zvishoma. Akati ‘Zvino,’ Rex chii chaizvo
chauchava?. ...
“ ‘Zvinangwa zvako chii, vavariro dzako chii muhupenyu?’ Ndakaona
kuti handina kumbenge ndakazvigoverana naye. Zvakandirwadza, uye
ndikaona kuti pamwe zvakanga zvamurwadza naiyewo. Saka takataura
pamusoro pemhuri yedu zvino ndokusarudza zvataifanira kuzoita
nehupenyu hwedu. Chido chedu chaivo chokushandira Ishe uye kuva
kwavaida kuti tinge tiri panguva yavaida kuti tinge tiriko. Zvakanaka,
kuti tibudirire pane izvizvi taifanira kuva nemari yokutambira, saka
takamisa zvinangwa zvedu maererano nokufunga ikoko. Zvaireva
kutama, uye takatama. Zvaireva kuva muchikoro kwemakore gumi
nematatu. ... Asi zvinangwa izvi zvaiuya mushure memhuri, mushure
mokuchengeta kubatana kwemhuri” (“Goals and Family Life,” mu
Devotional Speeches of the Year, 1976, p. 39).
Kumisa zvinangwa zvemhuri kunozotibatsira kukura murudo nekubatana
mumhuri dzedu nokutibatsira kuwana kusimudzirwa kwemhuri
naBaba vedu voKudenga.
Kubudirira paZvinangwa Zvedu
Bhishopi John H. Vandenberg vakati: “Ndinonzwa kuti kumisa chinangwa
kunofanirwa zvikuru kuitira kurarama nomufaro. Asi chinangwa
chikamu chete chemutoo unodikanwa. Tinofanira kuziva nzira
dzokutora kuti tisvike kuchinangwa . . . [vanhu] vanofanira kuzviitira
tsidziro nokunyora pasi zvinangwa zvavo nokuchengeta rekodhi yezadzikiso
yebudiriro dzavo” (mu Conference Report, Kubvumbi 1966,
p. 94; kana Improvement Era, Chikumi 1966, p. 534).
302