Mudzimai weMazuva Ekupedzisira, Chikamu Chechipiri

Chidzidzo 31
“Tinoita sarudzo nguva dzose. Mhedzisiro inotaura budiriro kana
kukundikana kwehupenyu hwedu. Ndiko kusaka zvakakosha kutarisa
mberi, kumisa gwara nokuva takagadzirira zvishoma kana nguva
yokusarudza yasvika” (Thomas S Monson, mu Conference Report,
Kubvumbi 1972, p. 72; kana Ensign, Chikunguru 1972, p. 69).
Maitiro Atingaita Sarudzo Dzakachenjera Uye Dzakafemerwa
Nemunamato Funga Dzimwe Sarudzo Dzaungatora
“Kuita sarudzo pamwe ndicho chinhu chinokoshesesa chati chamboitwa
nevanhu. Hapana chinoitika kusvikira mumwe munhu aita sarudzo”
(Ezra Taft Benson, God, Family, Country: Our Three Great Loyalties,
(1974), p. 145). Nokuda kwechikonzero ichi zvakakosha kuti tidzidze
kuita sarudzo dzakachenjera kuti tiite kudaro, tinofanira kufunga mhinduro
dzose dzinobvira. Izvi zvinosanganisira kuuganidza ruzivo
nokuyera kuti mibairo yesarudzo yoga yoga inobvira inozova ipi.
Mutungamiri Ezra Taft Benson vakapa zano rokuti tishandise mibvunzo
mitanhatu inotevera sehutungamiri mukuita sarudzo:
1. Inokwanisa kudzivirira kana kukanganisa here kufambira mberi
kwepamweya kana kwepahunhu hwakanaka?”
2. Inokwanisa here kusika ndangariro dzokusuwa kana kushaya
rugare?”
3. Inopikisana here nechido chakadudzirwa kana mirairo yakadudzirwa
yaMwari?. ...
4. Inokwanisa here kukuvadza munhu, mhuri kana boka?
5. Sarudzo yacho ingandiita munhu arinani here?. ...
6. Ropafadzo ingawanikwa here kubva mukuita izvozvo?
[onai D&Z 130:20–21]” (God, Family, Country, p. 151).
■ Kupindura mibvunzo iyi kungakubatsira kuita sarudzo dzakachenjera
sei?
Mushure mokufunga dzimwe mhinduro dzinobvira nemibairo yadzo,
tinofanira kusarudza mhinduro yatinonzwa kuti ndiyo yakanyanya
kunaka. Kazhinji ichi ndicho chikamu chakaomesesa chokuita sarudzo.
Apo tinoita munamato chikamu chenzira yokusarudza iyi, Baba
voKudenga vanokwanisa kutibatsira kunzwisisa migumisiro yesarudzo
dzakasiyana siyana nokutitungamirira mukusarudza dzimwe sarudzodzakanaka.
291