Mudzimai weMazuva Ekupedzisira, Chikamu Chechipiri

Chidzidzo 8
■ Ratidza mufananidzo 8-a, “Josefa achisanganiswazve nevakoma
vake.” Sei Josefa nevakoma vake vakakwanisa kuve nekusanganazve
kune rufaro nekugara pamwechete murunyararo kwemakore
mazhinji?
Nyaya yeUpenyu 2
1. Ndakanga ndiri muduku wevanakomana vaviri (onai Ruka
15:11–12).
2. Ndakaenda kunyika yekure uko kwandakaparadza nhaka yandakanga
ndapiwa nababa vangu (onai Ruka 15:13).
3. Pakauya nzara munyika iyi, ndakatanga kuva mukushaya (onai
Ruka 15:14).
4. Kuti ndiwane kudya, ndakotora basa rekupa kudya kunguruve
(onai Ruka 15:15).
5. Ndakayeka kuti baba vangu vaipa kudya kuvaranda vavo zvakanaka
chaizvo, saka ndakasarudza kuenda kumba ndonokumbira
baba vangu kuti vanditore semuranda (onai Ruka 15:17–19).
6. Baba vangu pavakandiona ndichiuya, vakamhanya kuzosangana
neni, vakanditsvoda, vakandipa nguo yavo yakanakisisa, mhete
yechigunwe, neshangu, vakaita mabiko ekupembererera kudzoka
kwangu kumba (onai Ruka 15:20–14).
7. Ndini ani?
■ Mhinduro: Mwanakomana muparadzi.
■ Ratidza mufananidzo 8-b, “Mwanakomana muparadzi anodzoka.”
Kusanganazve kune rufaro uku kwakakwanisika sei?
Nyaya mbiri idzi dzinobva muBhaibheri dzinoratidza zvinogona kuitika
kana nhengo dzemhuri dzikaregererana.
■ Ruregerero chii? Nyaya yaJoseph neye mwanakomana muparadzi
dzinoratidza sei musimboti weruregerero?
Patinoregerera, Tinoshandisa Rudo Rwunenge RwaKristu
Jesu Kristu akatipa muenzaniso wakanaka wemaregererero eavo vanotitadzira.
Nezve muenzaniso weMuponesi Mukuru Robert L. Simpson
vakati:
“Nhorooondo yeBhaibheri inotitaurira kuti hakuna munhu wenyama
atiambosangana nekuninipiswa, kurwadziwa, kutambudzika kwakaonekwa
neMuponesi wenyika munguva dzekupedzisira dzekurarama
kwake semunhu wenyama.
62