Mudzimai weMazuva Ekupedzisira, Chikamu Chechipiri

ZUVA
RESABATA
Chidzidzo 4
Chinangwa chechidzidzo chino ndechekutibatsira kuchengeta zuva
reSabata riri dzvene.
Sei Tichifanira Kuchengeta Zuva reSabata Riri Dzvene?
Murairo
Apo Ishe vakatipa murairo wechina, vakati, “Rangarirai zuva resabata,
kuri chengeta riri dzvene” (Eksodo 20:8).
■ Chii chinorehwa ne dzvene?
Mukutiraira kuchengeta zuva reSabata riri dzvene, Ishe vakatsanangura
kuti tinofanira kushanda mazuva matanhatu toita mabasa edu
ose, asi zuva rechinomwe iSabata yaIshe. Hatifanire kuita chero basa
pazuva iri. (Onai 20:9–10.)
Chikomborero
Mukutipa Sabata sezuva Ravo, Ishe zvirokwazvo vakatipa chipo chenguva.
Ishe vanoziva tinoda zuva rekuzorora. Zvisinei nerudzi rwebasa
ratinoita, tinoda kuvandudza miviri yedu nekuzorora kubva
kumabasa enyama. Tinoda kumutsiridza pfungwa dzedu nekudzishandisa
nenzira yakasiyana. Tinoda kugutsa mweya yedu nekunamata
Ishe. Sabata ndiwo mukana wedu wekuita zvido izvi, weku kudziridza
pamweya, nekuwana rufaro nerunyararo. Sabata inofanira kuva zuva
rakanakisisa resvondo.
MaJudha eOrthodox anodaidza zuva reSabata “Shabbot HamalKah,
Mambokadzi weSabata.” Vanonzwa kuti Sabata, ndiro zuva resvondo
rakakoshesesa rinoyera. Rinofanira kuonekwa sereushe, reukuru, rakanakisisa.
Samambokadzi, Sabata rinofanira kuzara nenyasha.
■ Upenyu hungadai hwakaita sei pasina Sabata?
Kuburikidza nemuporofita Isaya Ishe vakati:
Tinofanira kudaidza Sabata rufaro, rutsvene rwaIshe rwunokudzwa.
Tinofanira kumukudza, kwete kuita nzira dzedu kana kutsvaka rufaro
rwedu, kana kutaura mashoko edu.
25