Mudzimai weMazuva Ekupedzisira, Chikamu Chechipiri

Chidzidzo 18
Ishe vakayambira kuti matambudziko achauya: chivhuramahwe chekuparadza
zvirimwa (onai D&Z 29:16); chirwere chinoparadza chinozadza
nyika (onai D&Z 41:31); hondo pamusoro penyika (onai D&Z 63:33);
uyewo nzara, matenda nekudengenyeka kwenyika (onai Mateo 24:7).
■ Tinofanira kugadzirira njodzi dzipi? Tingagadzirire mhuri dzedu
kunjodzi idzi nenzira dzipi?
Nhengo dzeHoko yeBoston Massachusetts (USA) vakasangana nenjodzi
munguva yedutu rechando rinotyisa. Mhepo yakanga yapupurutsa
mazaya echando kuita matutu akadzika mamita mana, uye nzira dzikazarirwa
kwemazuva.
Mutungamiri Gordon Williams wehoko yeBoston Massachusetts akati:
“Kune mienzaniso yakawanda yenhengo dzakashandisa zvinhu zvavo
zvavanochengetedza pamba vakapa kushamwari nevavakidzani vakanga
vasingakwanise kuenda kuchitoro. Vamwe vakabika chingwa
vakapa vavakidzani vainge vasina kuchengeta kudya. Vamwe “vakagovera
zvidyo zvemumagaba, mukaka weupfu, huchi, nezvimwe zvekudya
zvakakosha.
Pakati pezana nezana nemakumi mashanu evanhu vakafa nokuda
kwedutu iroro. Sista Ruth Tingey, mutungamiri weBato reMadzimai,
vakataura kuti mhuri yavo yakanga yakagadzirira nekudya kwakanga
kwakachengetwa, chitofu chemoto, nehuni dzakawanda. Vakadaro:
“Takanzwa kusatya pakarova dutu, kuti chese zvacho chaiitika takanga
takagadzirira. Taive nemoto. Chakangove chiitiko kwatiri. Kune
vamwe vanhu, yakava njodzi, kana kuoma kukuru- kuru’ (Janet
Brigham, “Saints Dig Out, Clean Up During Harsh Winter,” Ensign,
Kubvumbi 1978, pp. 77–78).
■ Munofunga kugadzirira kwemhuri idzi dzeku Boston kwakashandura
sei mafungiro avo pamusoro pekugadzirira kwemhuri kune
zvinouya zvisina kurongerwa?
Mhuri yese inogadzirira sekuraira kwakaita Ishe kuburikidza nemaporofita
vavo inozokwanisa kubatsira nhengo dzayo isina rumwe rubatsiro,
kunyange munguva dzenjodzi.
Kugadzirira KweKereke
Ishe vakati kumbira kubatsirana pamusoro pekutarira zvatinoda
zvedu pachedu nezve mhuri (onai D&Z 52:40). Dzimwe nguva kuedza
kwedu kubatsira vamwe kunokwanisa kunge kuri kwekutangiswa
nesu. Dzimwe nguva kuedza nezvinhu zvenhengo dzeSangano
zvinobatandizwa nekushandiswa sekutungamirwa nevatungamiri
veufundisi.
160