Mudzimai weMazuva Ekupedzisira, Chikamu Chechipiri

Chidzidzo 16
kuenda kumishoni nguva shoma irikuuya. Chiizve chingadikanwe
nemunhu? Ndinoziva kuti kuzvipira kwangu hakuna kushaya basa,
uye ndinoziva kuti vhangeri raJesu Kristu rakaita imba yedu imwe
yedzinofadza zvikuru munyika!” (“The Change In My Father,” Ensign,
Kukadzi 1975, pp. 42– 43.)
■ Sista Ayala vakakudza sei vabereki vavo? Tingashandise sei zvavakaita
muupenyu hwedu?
Mumwezve sista wechidiki, Lois Christensen, akataura makudziro
aakaita vabereki vake:
“Ndine chokwadi chekuti mmishoni wangu weChikoro cheSvondo
akanga asingazive kusakwanisika kwechikumbiro chake. ‘Kirasi,’ akadaro
‘ndinoda mumwe nemumwe wenyu avimbise kuti imwe nguva
mukati mesvondo rinouya munozotaurira baba venyu kuti munovada.’
“Zvakanzwika sechinhu chiri nyore. Asi ndaiziva ndakanga ndisingakwanise
kuzviita. Zvimwe dai ndakanga ndiine rudzi rwababa sevaive
nevamwe, ndakadaro kwandiri, ndingakwanise kutaura mazwi iwayo
kwavari. Asi baba vakanga varegera zvachose kupinda muKereke.
Vairatidzika kwandiri kuve vasina hanya uye mukana pakati pedu
wekutaurirana wakanga wakakura. Tatakanga tisina kumbotaura zvakadzama
pamwechete pamusoro pechinhu chese-chese kwemakore.
Pamusoro pezvo, ‘ndinokuda’ chakanga chiri chinhu chandisingafunge
kuti chakambotaurwa mumhuri medu. Ndakanzwa kuti ndaiva ndisingambo
kwanisa kuita zvakanga zvakumbirwa nemmishoni wangu
weChikoro cheSvondo.
“Mushure memunamato wekuzarira, ndakamirira kusvikira vamwe
vaenda, zvino ndikazoenda kummishoni wangu.
“ ‘Sista Innes, zvamatikumbira kuti tiite zvakanaka. Asi ndinofunga
ndinofanira kuregererwa kubva pabasa iroro. Munoziva zvakaita baba
vangu, uye, aa, handikwanise kutaura chinhu chakadaro kwavari.
“Asi Sista Innes vakanga vasingagutsikane. Vakanditarisa vakati,
‘Zvisinei kuti baba vako vakaita sei kana kuti vanoita sei, vanoda
kunzwa mazwi iwayo kubva kwauri, sekuda kuzvinzwa kunongoita
vamwewo baba. Ndinoda kuti undivimbise kuti uchazadzisa basa iri.’
“Ndakabvuma, uye mukati memazuva mashoma akatevera ndakanzwa
mutoro mukuru. Ndakaziva kuti unobviswa chete kana ndazadzikisa
kuzvipira kwangu. Umwe usiku, mushure mekunge vamwe
vaenda kunorara, nekakutya ndakamirira nguva yakanaka yekutaura
mazwi iwayo. Baba vakanga vachiputa mudzanga vakasimuka kuisa
madota munoiswa marara. Neizwi raidedera, rekutya, risinganyatsonzwika
ndakati, ‘Baba, ndinokudai.’
137