Mudzimai weMazuva Ekupedzisira, Chikamu Chechipiri

Chidzidzo 31
Tinofanira kufunga mibairo yesarudzo inobvira yoga yoga tisati tatora
nhanho yokutanga. Patinenge tangoita nomunamato sarudzo yakachenjera
uye yakafemerwa, tinofanira kutsidzira kuichengeta nokuishandisa.
Zvokuita
Ipa chidzidzo pakuita sarudzo mumanheru emhuri pamba, uchibvumira
hurukuro dzezvinangwa zvikuru zvese zvatsanangurwa muchidzidzo
chino. Funga pamusoro pedzimwe sarudzo dzaunoita zuva
nezuva. Zvibvunze kuti ungawedzera kwaniso yako sei yokuita sarudzo
dzakachenjera uye dzakafemerwa.
Nyora papepa mibvunzo mitanhatu yapuwa neMutungamiri Benson
yokuwongorora sarudzo dzinobvira. Shandisa mibvunzo iyi, pamwepo
neDzidziso neZvibvumirano 9:7–9 uye 6 :22—23, senhungamiro pese
paunenge unesarudzo yakakosha yokuita.
Zvimwe Zvinyorwa Zvitsvene
■ 2 Nefi 10:23 (takasununguka kuzvimiririra)
■ Enoshi 1:10 (inzwi raIshe rakauya mupfungwa yaEnoshi)
■ Aruma 37:37 (taurirana naIshe muzvinhu zvose)
■ Dzidziso neZvibvumirano 8:2–3 (Mweya Mutsvene unotaura
kumwoyo nepfungwa)
■ Dzidziso neZvibvumirano 58:26 (hatifaniri kumanikidzwa kuita
zvakanaka)
■ Dzidziso neZvibvumirano 112:10 (Ishe vanotungamirira vanozvininipisa)
Gadziriro yeMudzisisi
Usati wapa chidzidzo chino:
1. Verenga chitsauko 8, “Kunamata kuna Baba vedu voKudenga,”
neChitsauko 22, “Zvipo zvoMweya” muMusimboti WeVhangeri.
2. Rongera nhengo dzekirasi kupa nyaya, zvinyorwa zvitsvene,
kana mashoko akataurwa aunoda.
295