Mudzimai weMazuva Ekupedzisira, Chikamu Chechipiri

Chidzidzo 32
Magumo
Kumisa zvinangwa kunozotibatsira kubudirira pazvido zvedu zvakakodzera
muhupenyu hunofa nemuhupenyu hunotevera huno.
Zvinangwa zvemunhu pachake zvinokwanisa kutitungamirira kuwana
budiriro dzedu pachedu. Zvinangwa zvemhuri zvinokwanisa kutitungamirira
kuva mhuri dzakabatana dzakasimudzirwa. Apo tinoshanda
kubudirira pazvinangwa zvakarurama, tiri kuvavarira kuzadzikisa
mirairo yaIshe, “Ivai vakakwana” (Mateo 5:48).
Zvokuita
Fungisisa zvaunoda kubudirira pazviri muhupenyu huno hunofa, uye
nomunamato tsvaka kuziva chido chaBaba voKudenga kwauri. Zvino
womisa zvinangwa zvinokwanisika kubudirira pazvido zvako.
Kurukura zvido zvako nemhuri yako. Sarudza chinangwa chimwe
chete chokushanda pachiri kutanga, zvino zvibvunze, “Chii chandinofanira
kuita kuti ndibudirire pachinangwa changu?” Nyora pasi zvaunokwanisa
kuita svondo ino kubudirira pachinangwa chako? Pakupera
kwesvondo ino, nyora pasi zvaunokwanisa kuita svondo rinotevera.
Dzokorora mutoo uyu kusvikira wabudirira pachinangwa. Zvino chisarudza
chimwe chezvinangwa zvako pachako wotevedzera mutoo
mumwechetewo kusvikira wabudirira pachinangwa ichi.
Nemhuri yako, sarudzai chinangwa chinozokupundutsai mose, zvino
motevera mutoo wataurwa pamusoro kusvikira mhuri yenyu yabudirira
pachinangwa chacho. Ipai rumbidzo yakakosha kuna avo vari mumhuri
menyu vanobudirira pachinangwa chavo pachavo chavakazvimisira.
Zvimwe Zvinyorwa Zvitsvene
■ Marko 9:23 (Zvinhu Zvose Zvinobvira )
■ VaGaratia 6:7 (mutemo wekukohwa)
■ Jakobo 1:22—25 (ivaiyi vaiti pamwepo nevanzwi)
■ 1 Nefi 3:7 (Ishe vanozotibatsira kuchengeta mirairo Yavo)
■ Zvinyorwa Zvorutendo 1:13 (zvakarurama zvatinofanira kuvavarira)
Gadziriro yeMudzidzisi
Usati wapa chidzidzo chino:
1. Wana mabhora madiki mashanu kana zvimwe zvinhu zvokushandisa
muchitaridzo chokubudirira pazvinangwa nhanho nenhanho.
2. Rongera nhengo dzekirasi kupa nyaya, zvinyorwa zvitsvene, kana
mashoko akataurwa aunoda.
307