Annual Performance Plan Jaarlikse ... - National Treasury

Figuur 1
Bron:
1995 – 2005: Jaarlikse Skoleopname (Openbare Gewone Skole)
2006: CEMIS Huidig (13 Oktober 2006)
Statistiek SA: Bevolking 2006 gebaseer op 2005-Algemene Huishoudelike Opname
Gevolglik is die voorsiene groot toename in primêreskoolleerders met die gepaardgaande afname in sekondêreskoolleerders
die Wes-Kaap se eerste uitdaging vir lewering in die 2007-skooljaar. Die rede hiervoor is dat toe die inname/toelatingsbeleid
in die jaar 2000 afgedwing is, die aantal graad 1-leerders van 87 435 in 1999 tot 64 844 in 2000 afgeneem het, d.i. ’n afname
van 22 591 leerders. Die graad 1-leerders van die jaar 2000 sal in 2007 in graad 8 wees. Met die verslapping van die
inname/toelatingsbeleid vir graad 1-leerders sedert 2004 was die gemiddelde inname van graad 1-leerders 92 500, wat 28
000 meer is as in 2000. Die aantal graad 6-leerders in 2006 is egter slegs 74 000, d.i. 8 000 meer as vir graad 7 in 2006.
Die aantal leerders in graad 8 vir 2006 is 82 471, d.i. 16 000 meer as vir graad 7 in 2006. Dit beteken dat die departement
vir 2007 vir ongeveer 16 000 meer primêreskoolleerders voorsiening moet maak as in 2006. Die effek vir sekondêre skole is
dat gemiddeld ongeveer 8 000 leerders minder verwag word om graad 8 te bereik, wat ‘n moontlike totale afname van
sekondêreskoolleerders tot gevolg sal hê.
Die tweede uitdaging vir die WKOD is om die onderwysvlakke van die burgers van die Wes-Kaap te verbeter. Terwyl daar ’n
mate van verbetering in die vyfjaarperiode 1996 – 2001 was, is daar nog steeds groot getalle mense wat nie toegang tot
onderwys gehad het op die vlak wat vir waardige deelname aan die burgerlike, politieke en ekonomiese lewe van die
provinsie vereis word nie. Byvoorbeeld, Tabel 2 hieronder toon dat minder as ‘n kwart van die Wes-Kaap se bevolking oor
die Senior Sertifikaat beskik.
Tabel 2: Persentasie van bevolking op verskeie vlakke van skoling 1996 en 2001
Vlakke van skoling 1996 2001
Geen skoling 6,3% 5,7%
‘n Vorm van primêre 15,0% 15,2%
Slegs primêre skool voltooi 8,4% 7,9%
‘n Vorm van sekondêre skoling 37,2% 36,5%
Graad 12 18,0% 23,4%
Hoër 10,1% 11,2%
Bron: Statistiek Suid-Afrika Sensus 1996 en 2001
Jaarlikse Prestasieplan 2007/08 – 2009/10 7