Annual Performance Plan Jaarlikse ... - National Treasury

Die volgende maatreëls is geneem om die integriteit van die data te verseker wat ‘n effektiewe bateregister ondersteun
wat voldoen aan boekhoudingstandaarde en ‘n doeltreffende en akkurate rekonsiliasie van inligting verseker.
(a) ’n voorraadopname word minstens een keer per jaar deur die Department onderneem, soos voorgeskryf deur
Tesourie-regulasies
(b) ‘n sesmaandelikse voorraadopname word in die vooruitsig gestel in die lig van die volume van die items
(c) inventarisse word afgeteken deur die verantwoordelike amptenare en dan gesertifiseer deur Kostesentrumbestuurders
(d) omsendbriewe word uitgereik in ooreenstemming met Hoofstuk 10 van Tesourie-regulasies
(e) verkrygingsprosedures vir bates word uiteengesit in die Rekenkundige Amptenaar-stelsel
(f) ‘n rekonsiliasie van aankope op LOGIS en die besteding op BAS word maandeliks gedoen
(g) die bateregister bevat al die inligting wat ingevolge Tesourie-regulasies vereis word
Die meganismes wat geïmplementeer is om te verseker dat ‘n doeltreffende stelsel van identifisering, beveiliging,
monitering en rekordhouding van roerende bates is plek is, is as volg:
(a) alle bates is met ‘n staafkode, “RSA” gemerk en op inventarisse geregistreer
(b) alle bates is in die register vir roerende eiendom geïdentifiseer in al die batekategorieë aangedui deur Tesourie en
is unieke nommers (staafkodes) toegeken
(c) kostesentrumbestuurders is verantwoordelik vir die beveiliging van hul bates
(d) alle roerende eiendom is registreer op ‘n inventaris per kostesentrum en plek. Inventarisse word as korrek
gesertifiseer deur die Kostesentrumbestuurders. Die inventaris word dan by elke plek op ‘n opsigtelike plek
geplaas.
Skole
Daar is besluit om oordragbetalings na skole te maak ingevolge bestaande Tesourieriglyne sodat skole hul eie
toerusting van gekontrakteerde verskaffers kan aankoop. Alle aankope van skole is van die LOGIS-Bateregister
verwyder ingevolge die Suid-Afrikaanse Skolewet, 1996 (Wet Nr. 84 van 1996), aangesien dit as inventaris-items van
die skool beskou word. Skole sal derhalwe in hul jaarlikse finansiële state oor hierdie inventaris-items verslag doen.
Die LOGIS-Bateregister reflekteer slegs die inventarisse vir die Hoofkantoor van die WKOD sowel as die OBOS’e en
hul onderskeie dienspunte.
• Planne rakende roerende bates, soos motorvoertuie
Die voorsiening, onttrekking en vervanging van ou en/of beskadigde staatsmotors (GG)-motorvoertuie word bestuur
deur die Provinsiale Departement van Vervoer (Staatsmotorvervoer). Hulle sien ook om na die lisensiëring, onderhoud
en brandstofvoorsiening ten opsigte van die voertuie, sowel as die byhou van ‘n bateregister op die Fleetman-stelsel.
Hulle formuleer ook provinsiale beleid ten opsigte van die gebruik van staatsmotorvervoer.
Die WKOD verseker dat die provinsiale beleid nagekom word. Dit hou ook ’n register by van voertuie in die WKOD se
besit , moniteer voertuiggebruik deur middel van logvelle en verseker dat die voertuie padwaardig is en behoorlik
onderhou word.
Die teenswoordige vloot, aangevul deur die voorsiening van gesubsidieerde voertuie aan kwalifiserende amptenare, is
voldoende vir die huidige behoeftes van die WKOD. Die voorsiening van gesubsidieerde voertuie is ingetrek ingevolge
Omsendbrief Nr. 179/2003 gedateer 10 September 2003, omdat bevind is dat dit duurder is as amptelike vervoer.
Jaarlikse Prestasieplan 2007/08 – 2009/10 78