Annual Performance Plan Jaarlikse ... - National Treasury

Die Projek het tot dusver uitgebreide raadpleging op hoofkantoor- en distriksvlak behels, met verteenwoordigers van ‘n
aantal belangegroepe, insluitend die hoof uitvoerende beamptes (HUB’s) van VOO-kolleges, sowel as skoolprinsipale,
opvoeders, leerders, SBL-Forums en georganiseerde arbeid betrokke by die departement.
Ingevolge die voorgestelde nuwe organisatoriese struktuur, sal die hoofkantoor onderverdeel word in vier vertakkinge,
naamlik Strategie en Beplanning, Kurrikulumbestuur, Institusionele Ontwikkeling en Koördinering en Korporatiewe Dienste.
Ten einde bestuurs- en ontwikkelingsteun nader na skole te bring, sal die huidige 7 distrikskantore 8 word en sal daar 49
Kringspanne wees. Die voorgestelde nuwe makro-organogram van die Departement word in Skedule 1 gereflekteer.
2. Diensbillikheidsplan (DB-Plan)
Die huidige 5-jaar-Diensbillikheidsplan van die WKOD nader tans die einde van sy termyn. Ten spyte van baie hindernisse,
is daar bestendige vordering met die DB-plan en die verteenwoordigende DB-forum het hul toesighoudende
verantwoordelikheid nagekom. Die WKOD het voldoen aan al die voorskrifte van die Wet op Diensbillikheid en het die
jaarlikse DB-verslag aan die Departement van Arbeid gestuur, soos vereis word. Die WKOD het ook ’n beleidsriglyn vir DB
in onderwysinrigtings uitgereik en dit het tot opmerklike vordering met veral vroueverteenwoordiging in skoolbestuurspanne
gelei. Die volgende 5-jaar-DB-plan sal aan ’n raadplegende proses onderwerp word vir implementering in September 2007.
3. Diensleweringsverbeteringsplan (DVP)
Die WKOD het sigself gedefinieer as ‘n leerorganisasie met ‘n verbintenis tot uitnemende dienslewering oor die volgende
tien jaar. As ‘n leerorganisasie, sal die WKOD ‘n konstante proses van selfkritiek en hernuwing ondergaan deur te fokus op
organisatoriese doeltreffendheid, die versterking van en fokus op distrikskapasiteit, die versterking van skooleffektiwiteit en
die dryf van steunstrategieë om verskeie aspekte van gehalte-onderwys in skole aan te pak.
Goeie vordering is gemaak met die ontwikkeling van ‘n omvattende DVP. ‘n Diensleweringshandves is ontwikkel en
goedgekeur. ‘n Implementeringsplan met tydskale is ontwikkel en dit word beoog om die DVP aan die begin van die
2007/08-finansiële jaar te implementeer. Diensstandaarde per direktoraat sal vroeg in 2007 ontwikkel word, en ‘n intensiewe
steunwerwingsveldtog sal geloods word om algemene inkoop en bewustheid te verseker. Monitering- en evalueringstelsels,
insluitend ‘n klagtemeganisme onder bestuur van die Direktoraat: Gehalteversekering word tans vir implementering
ontwikkel.
4. Menslikehulpbronplan (MHP)
Alhoewel die konsep-MH-Plan vir die WKOD vir ‘n verlengde periode in ontwikkelingsfase is, is verskeie beleide, strategieë
en instruksies rakende kwessies soos DB, werwing, MH-ontwikkeling, Prestasiebestuur en beplanning in plek ten einde
effektiewe en volhoubare MH-bestuur te verseker. Die Departement van Openbare Diens en Administrasie (DODA) het
onlangs ‘n raamwerk vir MH-beplanning ontwikkel wat as templaat sal dien vir alle regeringsdepartemente om eenvormigheid
ten opsigte van MH-beplanning in die Staatsdiens te verseker. Bestaande MH-beplanningsbeleid sal vergelyk en verder
ontwikkel word tot ‘n omvattende MH-plan vir die WKOD, binne die nuutontwikkelde raamwerkformaat. Dit word voorsien dat
die konsep- amptelike MH-Plan vir die WKOD aan die begin van die 2007/08-finansiële jaar aan bestuur voorgelê sal word.
5. Werknemerswelsynplan (WWP)
Die WKOD het in 2004 aan die voorpunt gestaan van die instelling van ‘n WW-Plan. Die WW-Plan is gaandeweg verder
ontwikkel en uitgebreide steunwerwing gedoen. Die benuttingsyfer is tans op ‘n vlak wat verwagtinge oorskry. Gereelde
terugvoervergaderings word met die diensverskaffer gehou en statistiek en neigings is ontleed en met internasionale
teikenstandaarde vergelyk. Goeie vordering is ook gemaak met die omvorming van die WW-Plan tot ‘n meer omvattende
Werknemersgesondheid- en welsynplan, in lyn met provinsiale, nasionale en internasionale verwikkelings, om ‘n meer
omvattende diens aan sy werknemers te bied. Verskeie suksesvolle opedae is by die hoofkantoor asook by sommige
OBOS’e gehou.
6. Werkplekvaardigheidsplan (WVPlan)
Gegee die grootte van die WKOD, is daar konstant toenemende aandrang op doeltreffende en bekwame dienslewering
terwyl die indiensontwikkeling van opvoeders in antwoord op nuwe en snelle ontwikkelings in onderwys, kennisbestuur en
metodologie kritiek is.
Die verteenwoordigende Departementele Opleidingskomitee (DOK) van die WKOD bevestig konstant sy ernstige verbintenis
tot volhoubare, aanspreeklike, effektiewe en billike vaardigheidsontwikkeling soos beoog in die Wet op
Vaardigheidsontwikkeling en verwante wetgewing en beleid. Die WVP vir 2006/07 en die Jaarlikse Opleidingsverslag vir
2005/06 is behoorlik onderteken en by die Onderwys-, Opleiding- en Ontwikkelingspraktyke (OOOP) SETA ingedien, soos
vereis. Die DOK het ’n proses van stapel gestuur om ’n WVP vir die MTBR-periode daar te stel om verhoogde
doeltreffendheid en volhoubaarheid van vaardigheidsontwikkeling en opleiding oor die medium termyn te verseker.
Jaarlikse Prestasieplan 2007/08 – 2009/10 10