Annual Performance Plan Jaarlikse ... - National Treasury

Uhlalutyo lokuhamba komsebenzi
Inkcitho kwimfundo kweli phondo iye yenyuka ngomyinge oyi-9,7% ngonyaka oko kwango- 2003/04. Imfundo ithe gqolo
ngokufumana esona sixa sikhulu kuhlahlo-mali lwephondo olufumanekayo, apho ibe yi-37.1% ngo-2007/08 eyabelwe
imfundo kuhlahlo-mali lwephondo. Kunyaka wama-2006/07 esi sixa ibeyi-36,7 pesenti.
.Inani neendidi zabafundi zezona zinto luxhomekeka kuzo ulwabiwo lohlahlo-mali lweSebe leMfundo Abafundi bahlulwe
baziindidi ezintandathu ezinikwa inkxaso-mali: uGrade R, izikolo zaseprayimari, izikolo zasesekondari, abafundi
abaneemfuno ezizodwa, abafundi beekholeji ze-FET nabafundi bamaziko emfundo yabantu abadala.
Ngaphandle kwakumaziko kaGrade R asekuhlaleni nawemfundo yabantu abadala, inkxaso-mali ibandakanya ulwabelo
lwabasebenzi nolwemimiselo nemigangatho. UGrade R kumaziko asekuhlaleni nakumaziko emfundo yabantu abadala
afumana intlawulo zemimiselo nemigangatho ezikwasetyenziselwa ukuhlawula abasebenzi abafundisayo nabomsebenzi
wolawulo.
Eyona nxenye inkulu yohlahlo-mali iya kwizikolo zaseprayimari nezsesekondari, kubandakanywa nezikolo zabafundi
abaneemfuno zemfundo ezizodwa (LSEN). Kwimfundo yezikolo abasebenzi babiwa ngokulinganayo ngokwamanani
abafundi axeliweyo namazinga entlupheko eendawo ezo zikuzo. Inkxaso-mali yemimiselo nemigangatho ikhutshwa
ngokwamazinga entlupheko, ezona zihluphekileyo, ngokomyinge, zifumane ngokuphinda-phindeke kathandathu kunezona
zityebileyo.
Inkcitho-mali engamiselwanga nengabekelwanga izinto ezingenanto yakwenza nabasebenzi iyi-13,1% yenkcitho epheleleyo
yonyaka mali wama-2007/08. Inkcitho-mali kwizinto ezingenanto yakwenza nabasebenzi iquka imali ebekelwe inkxaso
kwezemimiselo nemiqathango kwizikolo zikarhulumente zesiqhelo zaseprayimari nasesekondari, uthutho lwabafundi
ngezithuthi, izibonelelo zoncedo zangaphakathi kunye nodluliselo lweentlawulo kwizikolo ezizimeleyo, izikolo zikarhulumente
ezizodwa, iikholeji ze-FET, amaziko e-ABET kunye nezikolo ze-ECD namaziko azo.
Ukunyuka kwinkcitho yezinto ezingengobasebenzi zibangelwe isikakhulu zizinto eziphambili ngokubaluleka ezifana nephulo
iKapa Elihlumayo, ukuqhutywa kwe-NCS, izikolo ekungahlawulwayo kuzo, izibonelelo noncediso-mali ounemiqathango.
Inkcitho kwiintengo ezinkulu nayo inyukile ukusuka kwi-2,6% yenkcitho ka-2003/04 yaya kutsho kwi-2,2% yoqikelelo
lwenkcitho ka-2007/08. Le nkcitho ibandakanya isikakhulu ubonelelo ngeeprowujekthi zezibonelelo kwakunye
neekhompuyutha zeKhanya Project. Isizathu sokuncipha kukuba inkxaso mali yenkqubo yohanjiso lweenkonzo zekhapitali
yamaseko ezibonelelo ekhawulezileyo, eyayikhona ngonyaka-mali wama-2005/06 ukuya kuma-2006/07 evela kwi-Asset
Financing Reserve (i-AFR), ithathwe kuhlahlomali lwesebe leminyaka ezayo ukuqala ku-2007/08.
UMsebenzi 2: Izikolo zikarhulumente zesiqhelo zisathe gqolo ngokuba yeyona nkalo iphambili kujoliso lwenkxaso-mali yeli
sebe. I-80,8% yohlahlo-mali luka-2007/08 yabelwe lo Msebenzi. Iinkonzo eziphambili ezibandakanyiweyo kulo Msebenzi
yimfundo yaseprayimari neyasesekondari kwizikolo zikarhulumente zesiqhelo (kubandakanya nezibonelelo), ii-EMDC,
uphuhliso lwabasebenzi abakumaziko emfundo kwakunye noncediso-mali olunemiqathango lomsebenzi wesondlo wesizwe.
I-57% yohlahlo-mali lwalo Msebenzi iya kwizikolo zaseprayimaari, ize i-38% iye kwezasesekondari.
Imisebenzi eye yabonakalisa ukukhula kakhulu ukusuka ku-2003/04 ukuya kutsho
ku-2007/08 nguMsebenzi 7: Mfundo yabantwana yasekuqaleni apho kuye kwabonelelwa ngezinto zokusebenza
ezongezelelweyo ngeenjongo zokukhuthaza ubhaliso kwaGrade R kwakunye ne-EPWP ejoliswe kuqeqesho lwabasebenzi
be-ECD kumaziko e-ECD, uMsebenzi 5: iMfundo yeCandelo le-FET, apho imali ilungiselelwe uphuculo lweekholeji ze-FET
noMsebenzi 8: iiNkonzo zoncediso nezinxulumene nazo apho imali ilungiselelwe ukuqhutywa kwe-HCDS
ngokungqanyaniswe nesicwangciso esiliqili sophuhliso sephondo esiliphulo, iKapa Elihlumayo.
Kule minyaka mihlanu idlulileyo kuye kwaphantsa ukubhaliswa ngokupheleleyo kwaGrade 1 eNtshona Koloni, kwakunye
nobhaliso olupheleleyo kwizikolo zaseprayimari. Ngamanye amazwi, ubuninzi babantwana baseNtshona Koloni abaphakathi
kweminyaka esixhenxe ubudala nelishumi elinesine babhalisiwe emfundweni ngokwamanqanaba aphantse ukubafanela.
Kambe ke kukho ukuhla kakhulu kwamanani ababhaliswayo emva koGrade 8 kwaye kutsha nje nakwaGrade 10. Uhlalutyo
lwamanani obhaliso ezikolweni zaseNtshona Koloni olwenziwe ngabenzi bophando abahlukeneyo lubonakalisa ukuba yi-45
ukuya kwi-52% kuphela abafundi ababhalisa kuGrade 1 abafikayo kuGrade 12. (Crouch, 2002; van Wyk, 2003).
Isicwangciso Esiliqili Sokwenziwa Komsebenzi Sonyaka 2007/08-2009/10
21