Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Bonke ootitshala beSigaba se-FET banikwa uqeqesho kwiindlela zokufundisa nokuvavanya. Ngaphezulu, ootitshala<br />
bahamba izifundo eziqhutywa ngamaziko emfundo ephakamileyo (HEIs) nezinye iingcali kwizifundo ngezifundo khona ukuze<br />
ziphucule ulwazi lwazo oluyimfuneko. Kuqhutywa nezifundo zeekhompuyutha ukulungiselela ootitshala abanemfuno ylu<br />
lwazi ekufundiseni kwabo.<br />
Kwangeli xesha linye ngoku isebe eli lilungiselela ukuqaliswa kwale kharityhulam intsha, likwaqwalasela neqela labafundi<br />
abaphumelela imatriki. Kubekwa iinkalo ekuza kujoliswa kuzo kumanani abafundi, endaweni yepesenti, abaziphumelelayo<br />
iimviwo. Kulula ukuba anyuswe amazinga abafundi abaphumelelayo ngokusuka nje kuthotywe amanani abafundi. Le nto<br />
kuyafuneka ukuba mayingakhuthazwa, ngelixa kubonelelwa ngamathuba okukwazi ukuya kungena kwimfundo<br />
ephakamileyo kufuneka ekhuthaziwe. Le ke yinto ebaluleke kakhulu ehambelana nomba wamazinga okugqitywa<br />
kwemfundo. I- WCED iye yabeka iinkalo ejolise kuyo kumba wokunyuswa kwamanani abafundi abaphumelela imatriki, nge-1<br />
000 ngonyaka ukusuka kuma-34 000 ngo-2003 ukuya kuma-50 000 ngo-2014.<br />
Ngo-2006 izinga lempumelelo kwiimviwo zematriki lezikolo zeNtshona Koloni lifike kwi- 83,7%. Nakubeni ikhuthaza kangaka<br />
nje le mpumelelo, kubalulekile ukuba kusetyenziswe nezinye izinto xa kuhlalutywa iziphumo. Eyona nto ibaluleke kunazo<br />
zonke ke kuloo msebenzi ngamazinga omgangatho wale mpumelelo. Ukuphumelela ngendlela eya kukuvumela ukungena<br />
kwimfundo ephakamileyo kuthathwa njengowona mlinganiselo womgangatho, njengoko kufuneka ukuba umfundi aphumele<br />
izifundo ezine ubuncinane kudidi oluphezulu. Into esabanga inkxalabo enkulu isengamanani amancinane abafundi<br />
bamnyama abavela kwizikolo zazisakuba zezalaa masebe ayesakuba lele-DET nele-HOR abaphumelela ngendlela<br />
ekuvumelayo ukungena kwimfundo ephakamileyo nabaphumelelayo kwimathematika nenzululwazi.<br />
I-WCED iza kuthi gqolo ukuzibhiyozela izikolo eziqagcinayo okanye eziwandisayo amanani abafundi ababhaliswayo, kodwa<br />
ziwugcine okanye ziwuphucule umgangatho wazo wempumelelo ekhokelela kwimfundo ephakamileyo.<br />
4. Izikolo zikarhulumente ezizodwa<br />
Kunikwe ingqwalasela eyodwa kuhlengahlengiso lweenkonzo ezizodwa zemfundo ukuze kujongwane neemfuno ze-WCED,<br />
nokuqinisekisa usetyenziso ngokupheleleyo koovimba abakhoyo. Ngokwangoku ufikelelo kwiinkonzo zenkxaso yemfundo<br />
yeemfuno ezizodwa lufunyanwa ngabambalwa xa kuthelekiswa nesidingo sayo. Unikezelo lwecandelo lezikolo ezineemfuno<br />
ezizodwa alukwazi ukumelana neemfuno ezikhulayo zabafundi abafuna iinkonzo zenkxaso eyodwa kwezemfundo ingakumbi<br />
kwimimmandla yasemaphandleni. Ukunqongophala kweenkonzo zemfundo eneemfuno ezizodwa ezilungiselelwe abafundi<br />
kungumqobo omkhulu ekufundeni ngokwasemphefumlweni, esimilweni nasengqondweni kwaye kufuneka ukuba kunikwe<br />
ingqwalasela eyodwa ngabathathi-nxaxheba abohlukeneyo. Isidingo sezikolo ezongeziweyo zezakhono sivela kwinani<br />
elikhulayo labafundi abafuna ukufunda kwezi zikolo zilolu hlobo. Ngoko ke, kunyanzelekile ukuba inkcitho kweli candelo<br />
yandiswe ngokwexeshana elifutshane, nangona kungekho mali yaneleyo ikhoyo ngokwesithuba sexesha elifutshane.<br />
A.4.3 IiKholeji ze-FET<br />
Eli candelo libaluleke kakhulu kwizicwangciso zethu zophuhliso, ngakumbi kuba lilungiselelwe ukunyusa ufikeleleko<br />
kubafundi (ngokuqulunqwa kwezifundo ezifanelekileyo nangokunikwa kwenkxaso-mali). Eli candelo sele lizigqibile<br />
izicwangciso eziliqili zophuhliso, lazihlengahlengisa nezifundo eliziqhubayo, lagqiba nekharityhulam yezifundo ezitsha,<br />
ezisekelwe kakhulu kuphando olwenzelwa i-MEDS. Kananjalo imali yophuculo ekhutshwe liSebe leMfundo leSizwe iya<br />
kunceda iikholeji zikwazi ukukhawulelana neemfuno zophuhliso zephondo eli nezoqoqosho. Ngokusebenza<br />
ngokusondeleleneyo nee-SETAs, iikholeji ziyakwazi ukuba zizifikelele iinkalo ebeziye zajolisa kuzo ngakwicala labafundi<br />
abaqeqeshwa emisebenzini ezibekwe liSebe lezaBasebenzi lesizwe. Indawo ebaluleke kakhulu kuphuhliso lweli candelo iya<br />
kuba kukusekwa kweNkqubo yeeNkcukacha zeeKholeji ze-FET (FET College Information System) eya kuthi isenze sikwazi<br />
ukuyilandela ngokuchanekileyo indlela eqhuba ngayo necikizeke ngayo le nkqubo.<br />
Kuza kuchithwa imali eyi-R227 million kuphuculo lweekholeji ze-FET kwesi sithuba sisukela ku-2006/07 ukuya ku-2008/09.<br />
ISebe eli kunye neekholeji ze-FET ezintandathu zisebenza ngokwesicwangciso esiliqili. Iikholeji kufuneka ukuba zenze<br />
uvandlakanyo lweemeko zeendawo ezikuzo nolunye uphando olunxulumene nazo ngokuphathelele kwiimfuno zophuhliso<br />
lwabantu bokusebenza kwezi ndawo. ISebe eli liqhuba olwalo uhlalutyo, lize ke lisebenzise iziphumo zalo ekuvandlakanyeni<br />
izicwangciso zeekholeji. Iikholeji zikwimeko entle kakhulu (xa zinokuba nazo izinto) yokukhawulelana nemisantsa ekhoyo<br />
kwizakhono kweli Phondo kwakunye nezinto eziphambili ngokubaluleka zesizwe.<br />
Izicwangciso zophuculo lweekholeji ezintandathu zimanyaniswe nezicwangciso eziliqili zekholeji nganye, kwaye ke ngoko<br />
zizixhasa ngokupheleleyo iinkalo zemisebenzi ezithe zafunyaniswa ngomsebenzi we-MEDS. Ngale ndlela ke umanyaniso<br />
olungenazimfanta lweenjongo zophuculo nezinto eziphambili ngokubaluleka kuphuhliso lwabantu bokusebenza eNtshona<br />
Koloni lungafezekiseka.<br />
Isicwangciso Esiliqili Sokwenziwa Komsebenzi Sonyaka 2007/08-2009/10 18
Change language