Annual Performance Plan Jaarlikse ... - National Treasury

• Meesterstelselsplan (MSP)
Met die MSP en die toegestane begroting as oorwegings, is baie van die toerusting wat buite die 3jaar-waarborgperiode
geval en dus duur geword om te onderhou, vervang. Desnieteenstaande het die WKOD deur sorgvuldige
gebruik van sy hulpbronne daarin geslaag om die gebruik van die meeste van die toerusting vir tot 5 jaar te behou.
Daar is ook voorsiening gemaak vir bykomende toerusting vir nuwe personeellede.
‘n Nuwe MSP word ontwikkel met behulp van die Hoofdirektoraat: e-Innovering (in die Departement van die Premier) en
die Staats-IT-Agentskap (SITA). Hierdie MSP sal voorsiening maak vir die ontwikkeling van nuwe stelsels om
onderwysvoorsiening in die provinsie te ondersteun, sowel as toerusting te vervang of aan te vul
• Skole se Konnektiwiteitsprojek (Telekommunikasieprojek)
97,8% van die openbare skole in die Wes-Kaap is aan die Internet gekoppel en het ‘n geldige e-posadres. Dit beteken
dat die WKOD in teorie elektronies met hierdie skole kan kommunikeer. In die praktyk, egter, en ongeag die feit dat alle
skole ’n subsidie ontvang, laat sommige van hierdie skole na om hul ISP-subskripsies of Telkom-rekeninge te betaal en
word hul dienste opgeskort. Van die ander is 2,2% (wat 30 skole verteenwoordig) in ondergedienste gebiede en nie
ingesluit in Telkom se uitrolplanne nie. Hieraan sal in die 2007/08-finansiële jaar aandag geskenk word wanneer ander
konnektiwiteitsopsies deur die selfoon of verskaffers van koordlose stelsels ondersoek sal word.
‘n Nasionale onderwysnetwerk (EduNet) wat deur middel van hoë bandwydte gratis konnektiwiteit aan openbare
onderwysinrigtings kan lewer, word beplan as deel van die nasionale Witskrif op e-Onderwys. Gesprekvoering met ‘n
aantal rolespelers (insluitend SITA, die DvO en die Meraka Instituut by die CSIR) is in ‘n gevorderde stadium.
• Kommunikasie
Effektiewe kommunikasie speel ‘n sleutelrol om te verseker dat die WKOD sy strategiese doelwitte bereik. Die
departement moet verseker dat sy kommunikasiefunksies goed gekoördineer word, effektief bestuur word en aan
uiteenlopende behoeftes beantwoord.
Die WKOD moet sy kapasiteit om effektief op alle vlakke te kommunikeer, insluitende sy kapasiteit vir korporatiewe
kommunikasie, handhaaf en verbeter. Korporatiewe kommunikasiefunksies sluit in mediaskakeling, uitvoerende steun,
publikasies, die WKOD-webtuiste, steun met geleentheidsbestuur, handelsmerkbestuur, advertering en kliëntediens.
• Verskaffersketting-bestuur
Artikel 217 van die Grondwet van die Republiek van Suid-Afrika, 1996 (Wet 108 van 1996) maak voorsiening daarvoor
dat wanneer ‘n staatsorgaan in die nasionele, provinsiale of plaaslike regeringsfeer, of enige ander instelling
geïdentifiseer in die nasionale wetgewing, kontrakte vir goedere en dienste uitbring, dit so gedoen moet word dat dit
billik, deursigtig, mededingend en koste-effektief is.
Die WKOD het die volgende maatreëls in plek om gereeld sy huidige Rekenkundige beamptestelsel te opdateer om dit
in lyn te bring met die huidige Nasionale Tesourie-instruksies, en om te verseker dat dit in die departement toegepas
word -
• Die WKOD se Rekenkundigebeampte-stelsel word opdateer wanneer omstandighede dui op die noodsaak om sy
bepalings te hersien. Dit is veral so wanneer nuwe instruksies, in die vorm van Tesourie-instruksies of Praktyknotas
vir verskaffersketting-bestuur wat deur die Nasionale en Provinsiale Tesourie uitgereik word.
• Die wysigings tot die Rekenkundigebeampte-stelsel word by die Departementele Bodkomitee vir aanbeveling
ingedien voordat dit aan die Rekenkundige Beampte vir goedkeuring voorgelê word.
• Verskaffersketting-bestuursfunksionarisse en die Senior Bestuur word ingelig oor die wysigings om te verseker dat
aan voorskrifte voldoen word.
• Ouditverslag
Die Ouditeur-Generaal kon nie vir die 2005/06-finansiële jaar ‘n opinie uitspreek oor die finansiële state nie vanweë
sekere kwessies. Daar was ook ander kwessies wat in die verloop van die ouditproses deur die Ouditeur-Generaal
(OG) geïdentifiseer is. Die kwessies hieronder is egter die mees kritieke aangesien die OG bevind het dat die aard
daarvan beduidend genoeg was om nie daaroor ‘n opinie uit te spreek nie. (Afstand) –
• Kompensasie van werknemers
• Staatsbehuisingswaarborge
• Bepaling van die akkuraatheid van departementele besteding
• Ondersteunende dokumentasie vir afwagrekeninge.
Jaarlikse Prestasieplan 2007/08 – 2009/10 27