Annual Performance Plan Jaarlikse ... - National Treasury

Die JPP is 'n stap vorentoe om ons Menslikekapitaal-ontwikkelingstrategie prakties uit te voer. Ons moet seker maak dat
elke skool ondersteun is om die Nasionale Kurrikulumverklaring (NKV) aan te bied en ons moet ook seker maak dat ons
gehalteonderwys vir almal lewer. Teikens moet gestel en bereik word. Indien teikens nie kwantifiseerbaar is nie en hulle nie
getel kan word nie, is dit nie die moeite werd om hulle na te streef nie.
CAMERON DUGMORE
LUR VIR ONDERWYS
31 Maart 2007
VOORWOORD DEUR VERANTWOORDELIKE AMPTENAAR
Die Wes-Kaap Onderwysdepartement (WKOD) het die Menslikekapitaal-ontwikkelingstrategie (MKOS) van die Wes-Kaap in
Maart 2006 van stapel gestuur.
Die MKOS is ‘n hoeksteen van die iKapa Elihlumayo-strategie, die Wes-Kaap se strategie vir groei en ontwikkeling en
voorsien die vertrekpunt vir al ons onderwysbeplanning.
Die strategie het 'n kritieke fase bereik waar ons die tweede jaar van implementering binnegaan. Die eerste fase van die
MKOS was om die WKOD te herontwerp om seker te maak dat ons die kapasiteit het om ons oogmerke te bereik, deur
gebruik te maak van al die hulpbronne tot ons beskikking.
Die Kabinet het die nuwe makrostruktuur vir die WKOD op 13 Februarie 2007 goedgekeur. Ons het die finansiële jaar begin
deur na die fyner besonderhede te kyk – die mikrostrukture – wat vereis word om effektiewe ondersteuning op elke vlak te
verseker.
Terwyl ons met die kwessies rondom herontwerp stoei, moet ons ook ons aandag baie steng bepaal by dienslewering. In sy
voorwoord het ons LUR ses areas uitgewys wat spesiale aandag gedurende die 2007/08 finansiële jaar moet kry.
2007/08 sal veral 'n uitdagende jaar vir die WKOD wees wanneer ons die ontwerp van die Departement finaliseer en
terselfdertyd hoë onderwysleweringstandaarde verseker.
Ons Jaarlikse Prestasieplan (JPP) voorsien 'n omvattende aksieplan vir onderwys in die provinsie vir 2007/08. Dit sluit in
uitgebreide teikens en prestasiemaatstawwe en weerspieël ons verbintenis tot die bereiking van ons oogmerke.
Hoewel dit uitdagings bied, bied die JPP ook 'n opwindende geleentheid om te toon wat ons kan doen om lewens en ons
samelewing in sy geheel te transformeer. Ons beveel hierdie plan aan by alle belanghebbendes en sien uit daarna om saam
met u te werk in ons strewe om gehalteonderwys aan almal te voorsien.
RON SWARTZ
Hoof van Onderwys in die Wes-Kaap
31 Maart 2007