Annual Performance Plan Jaarlikse ... - National Treasury

Kapasiteitsbou van opvoeders en prinsipale om onderrig- en leerporgramme by skole te ondersteun en bestuur is
kernbelangrik vir die voortgesette verbetering van gehalte-onderwys. Opgradering van die bevoegdheid en professionele
kwalifikasies van onderwysers is kritiek vir onderwys en menslikehulpbronontwikkeling oor die langer termyn. ’n
Onderwyserontwikkelingsprogram is reeds van stapel gestuur. Dit is gerig op die opgradering van die kwalifikasies van
huidige onderwysers om te voldoen aan die vereistes van die nuwe kurrikulum, veral wiskunde, geletterdheid en
lewensoriëntering, sowel as leierskap en bestuursvaardighede van skoolprinsipale.
Die onderwyssektor is ook in lyn gebring met die nasionale prioriteite soos die VSGI-SA VOO-kolleges is ’n
sleutelkomponent in die ooreengekome strategieë in hierdie verband. VOO-kolleges word vernuwe om tegniese en
beroepsprogramme aan te bied ten einde te verseker dat leerders gedifferensieerde onderwysopsies het. Daar word ook
voorsiening gemaak vir die instelling van ’n VOO-beurs- en studenteleningsprogram om toegang vir benadeelde studente tot
beroepsonderwysgeleenthede te verbreed.
Die DvO beplan om ‘n massageletterheidsprogram in 2007/08 te loods om die uitdagings van basiese geletterdheid, sowel ‘n
mensereg as ‘n bydraer tot sosiale kohesie, die hoof te bied. Dit sal gedoen word in vennootskap met
nieregeringsorganisasies, basiese volwasseneonderwys en –opleidingsentra en vrywilligers.
A.2.3 Die organisatoriese uitdagings
Die WKOD, as die grootste werkgewer in die Wes-Kaap Provinsiale Regering, bestaan uit die Provinsiale Ministerie van
Onderwys, met die Lid van die Provinsiale Raad (LUR) verantwoordelik vir Onderwys aan die hoof, ‘n provinsiale
hoofkantoor, distrikskantore en onderwysinrigtings, insluitend openbare gewone en spesiale skole, VOO-kolleges,
volwassene-gemeenskapsleersentra en VKO-leeromgewings.
WKOD-aktiwiteite – omvang en skaal
Leerders * 938 056
Openbare gewone skole ** 1 450
Skole vir leerders met spesiale behoeftes # 67
Inrigtings vir verdere onderwys en opleiding (tegniese kolleges) 6 (39 leer-omgewings)
Gemeenskapsleersentra vir volwassenes 112 (301 leeromgewings)
Gesubsidieerde preprimêre skole 446
Distrikskantore (OBOS’e) 7
Opvoeders (Posvoorsieningsmodel) 30 872
Openbare dienspersoneel (goedgekeurde diensstaat) 8 823
*2006: CEMIS Huidig (13 Oktober 2006) (Grade: Pregraad R tot Post-matriek)
** Inrigtings huidig (Alle openbare gewone skole, graad Pre-Gr R tot Post-matriek)
# Bron – 2006-Kitsopname en 2006-Jaarlikse Skoleopname
1. Organisatoriese herontwerp
Die departement ondergaan tans ‘n ingrypende organisatoriese herontwerp om te verseker dat dit die MKOS kan lewer. Die
doel van die herontwerpproses is om –
• Institusionele kapasiteit te bou ter ondersteuning van iKapa elihlumayo’s se belangrikste strategieë, waarvan die MKOS
die hoofstrategie is;
• Bevorder dienslewering;
• Versnel diensbillikheid; en
• Bereik die beoogde onderwysuitkomstes.
Die Herontwerpprojek word in vier fases geïmplementeer, nl.–
• Fase 1 het die begin van die projek en die beplanning van die herontwerpintervensie behels.
• Fase 2 het, in die lig van die MKOS, die ontleding van die huidige ontwerp van die WKOD behels asook die
identifisering van areas vir verbetering ten einde te verseker dat die departement die doelwitte van die strategie kan
bereik.
• Fase 3 het die eintlike organisatoriese herontwerp behels in lyn met die bevindings van die diepte-ontleding
(ontwikkeling van ‘n nuwe makro- en mikro-organisatoriese struktuur).
• Fase 4 behels die implementering van nuwe makro- en mikro-organisatoriese struktuur wat gedurende die 2007/08finansiële
jaar ‘n aanvang sal neem, en dit sal die vul van poste op ‘n Personeelplan-basis insluit.
Jaarlikse Prestasieplan 2007/08 – 2009/10 9