Annual Performance Plan Jaarlikse ... - National Treasury

Ukugxininisa kwi-Early Childhood Development (ECD), kwiikholeji zeFurther Education and Training (FET), nemfundo
eqhelekileyo ngeprojekthi iQuids-Up project, kwakha umgangatho kule nkqubo iphela. Le mali yandisiweyo inika ithemba
lokwenene kubazali, kootitshala nakwizikolo. Siya kusebenzisa le mali ukuphuhlisa izakhono zoluntu kwiphondo size sithathe
amanye amanyathelo ukuzinzisa imfundo esemgangathweni.
Ukubonelelwa ngezakhiwo neziseko zophuhliso kusoloko kungumngeni kodwa sisajongisisa iqela lemiba ukongeza le mali
siyabelweyo. Xa ubani ethathela ingqalelo amasebe esincedisana nawo, aya kuthi nawo ancedise kwimfundo ngokubanzi,
umzekelo, iingxowa-mali zophuhliso lwezentlalo ukulwa ukusetyenziswa gwenxa kweziyobisi, nemali eyabelwe ukukhuthaza
imidlalo ezikolweni, ukhuseleko, ukuphuhliswa kwezakhono, konke oku kuziindaba ezimnandi.
Ndijonge phambili ngethemba kunyaka apho sakubanako ukunyusa isantya kwiinzame zethu zokuphumeza izicwangciso,
nokuphumelela kwabafundi imatriki bafumane izatifikethi zokudlulela phambili, inani eliphezulu labafundi abaphumelele
imathematika nesayensi, nabafundi abaninzi kwiikholeji zethu zeFET, kwiinzame zokufumana ubomi obungcono kumntu
wonke.
Le APP linyathelo elibheka phambili ekunikeni igalelo lokwenene kwisiCwangciso soPhuhliso lweZakhono zoLuntu.
Masiqinisekise ukuba isikolo ngasinye siyayinikwa inkxaso ukuze sifundise iNkcazo yeKharityhulam kaZwelonke (NCS)
nokuqinisekisa ubukho bemfundo esemgangathweni kumntu wonke. Makumiselwe iithagethi yaye zifikelelwe. Ukuba
iithagethi azinakubekelwa milinganiselo okanye izinto ezinokubalwa yaye kungabikho ndlela yakubala izinto ezenziweyo,
ziya kuba zililize ekungekho nzuzo ekuzameni ukufikelela kuzo.
Cameron Dugmore
Umphathiswa Wemfundo
31 Matshi 2007
IMBULAMBETHE EYENZIWA LIGOSA ELIMELE UKUPHENDULA
ISebe leMfundo leNtshona Koloni (WCED) laphehlelela ngokusesikweni isiCwangciso soPhuhliso lweZakhono Zoluntu
(Human Capital Development Strategy (HCDS)) saseNtshona Koloni ngo-Matshi 2006.
Esi sicwangciso (HCDS) yintsika esisiseko yeKapa eliHlumayo, isicwangciso sokukhula nophuhliso lweNtshona Koloni,
kwaye sisisiqalo sazo zonke izicwangciso zethu zemfundo.
Esi sicwangciso singene kwisigaba esibaluleke ngeyona ndlela njengoko singena kunyaka wesibini wokuphunyezwa kwaso.
Isigaba sokuqala seHCDS ibe kukuhlenga-hlengisa (redesign) iSebe i-WCED ukuze kuqinisekiswe ukuba sinazo izakhono
zokufikelela kwiinjongo zethu sisebenzisa zonke izibonelelo esinazo.
Ikhabhinethi yasamkela isitraksha esikhulu esitsha (new macro structure) seWCED nge-13 Februwari 2007. Siqale unyakamali
ngokujongisisisa iinkcukacha ngokupheleleyo - izitraksha ezincinane (micro structures) – ezifunekayo ukuze
kuqinisekiswe inkxaso eza kuba yimpumelelo kwinqanba ngalinye.
Lo gama sisazama-zamana nemiba yohlenga-hlengiso, kusafuneka songeze isantya ukwenzela ukuba siqinisekise
uqwalaselo ngamandla ekwenziweni kweenkonzo. Kwimbulambethe yakhe uMphathiswa wethu uye wagxininisa iinkalo
ezintandathu ezifuna ukuqwalaselwa ngokukodwa ngethuba lonyaka-mali ka-2007/08.
Unyaka ka-2007/08 uya kuba ngunyaka ocela imingeni ingakumbi kwiSebe iWCED njengoko sigqibezela uhlenga-hlengiso
lwesebe lo gama sikwaqinisekisa imigangatho ephezulu yokwenziwa kweenkonzo.
IsiCwangciso seNtsebenzo yoNyaka sethu (Annual Performance Plan (APP)) sineprogram ebanzi yezinto ezininzi eziza
kwenziwa kwezemfundo kweli phondo ngo-2007/08. Sibandakanya iithagethi ezichazwe gca nemilinganiselo yentsebenzo,
kwaye sibonisa ukuzimisela kwethu ekuqinisekiseni ukuba siyafikelela kwiinjongo zethu.
Njengokuba i-APP icela umngeni, ikwamele ithuba elinika umdla omkhulu lokubonisa esinokukwenza ukuza nenguqu
kubomi nakuluntu lwethu luphela. Siyasincoma kakhulu esi sicwangciso kubo bonke abantu abachaphazelekayo kwaye
sinqwenela ukusebenzisana nani kwiinzame zokubonelela ngemfundo esemgangathweni kumntu wonke.
Ngumnu Ron Swartz
INtloko yeSebe leMfundo eNtshona Koloni
31 Matshi 2007