Annual Performance Plan Jaarlikse ... - National Treasury

UMphathiswa weSizwe weMfundo wathatha izigqibo waza wapapasha kwiGazethi kaRhulumente enguNombolo 29179
ngomhla wama-31 ka-Agasti 2006, ithagethi yesizwe ka-2007 ethatha ama-40% abafundi kwilizwe lonke 'kwizikolo
ezingahlawulisi fizi', oko kukuthi izikolo ezikwi-National Quintile (i-NQ) 1 ne-2 ukusukela ngomhla’woku-1 kuJanuwari 2007.
Ilisti yezikolo ngokwephondo ezingazikuvunyelwa ukuba zihlawulise imali yesikolo enyanzelekileyo, ngokwemiqathango yale
thagethi nanjengoko sele iqulunqwe nguMphathiswa weMfundo kwiphondo ngalinye, yapapashwa kwiGazethi
kaRhulumente.
Yi-6,5% (59 306) yabafundi baseNtshona Koloniabakwi-NQ 1 elixa iyi-8% (73 254) kwi-NQ 2, oko kukuthi yi-14,5% yabafundi
baseNtshona Koloni bakwezona zi-quintile zentlupheko ezimbini kwisizwe (ama-40% abafundi besizwe).
Kuba iNtshona Koloni inepesenti esezantsi yabafundi abakwi-NQ 1 no-2, xa kuthelekiswa nawo onke amanye amaphondo, i-
WCED ithathe isigqibo sokwandisa inani ‘lezikolo ezingahlawulisi mali’ ezikwiNQ 3 (abafundi abangama-211 841).
Njengokuba oku kungenakwenziwa ngeGazethi kaRhulumente, kufuneka kwenziwe ngokuzithandela kunye nezikolo
ezichongiweyo ezikwi-NQ 3. Zonke izikolo ezikwi-NQ 3 zakuthakazelela kakhulu oku kwaye ngoku ‘zizikolo ezingahlawulisi
mali’ ngoko ke, azivumelekanga ukuhlawulisa imali ukusukela ngo-2007.
Ngama-419 ezikolo zaseprayimari ezinabantwana abangama-146 000, esele zichongwe njengezikolo ‘ezingahlawulisi mali’
ngoMeyi 2006 njengenxalenye yenkqubo yokuzikhethela ngokuzithandela eyasungulwa ngamaphondo kwilinge
lokukhawulezisa uchongo lwezikolo ‘ezingahlawulisi mali’. Isixa-mali esingama-R29 ezigidi sabelwa ezi zikolo, kusongezwa
kwisabelo sazo ngokwemimiselo nemigangatho ngo-2006/07.
Ezinye izikolo ezingama-233 (iiprayimari neesekondari) zachongwa njengezikolo 'ezingahlawulisi fizi' ukusukela ngoJanuwari
2007. Ngoko ke, izikolo ‘ezingahlawulisi fizi' ngama-652, zimele ama-45% ezikolo ezingama-1 452 zephondo laseNtshona
Koloni ngo-2007. Malunga nama-345 000 abafundi bafunda kwezi zikolo, bamele ama-38% abafundi baseNtshona Koloni.
• Ikhosi yabaLawuli yeSikolo soShishino
Ukuxhobisa abasebenzi kwezolawulo kuzo zonke izikolo eNtshona Koloni ngezakhono ezifunekayo eziza kuba nceda ukuba
balawule kwaye baphathe ngokufezekileyo nangokufanelekileyo imisebenzi yezikolo noovimba bezoncedo kummandla
wokufunda okhuselekileyo, ngolo hlobo bencedisa iinqununu kunye nootitshala ukuba bakwazi ukugxininisa ekufundiseni
nakuphuhliso lwekharityhulama, i-WCED iyile inkqubo yokuphuhlisa ikhosi enesiqinisekiso yezokuPhathwa kwezoShishino
esikolweni kwi-NQF Level 4. Le khosi lubambiswano phakathi i-WCED, i-Manchester University (i-MMU), i-National College
for School Leadership (i-NSCL), Institute of Administrative Management (i-IAM) ne-SABISA/ISASA (Independent Schools
Association of SA
Ngexesha lotyelelo loMphathiswa weMfundo wePhondo waseNtshona Koloni e-UK, kwacaca nakuthathatha ukuba uMzantsi
Afrika kufuneka ujongane nale mibandela ifanayo, esandulwa kuchotshelwa e-UK kutshanje yokusungulwa kweenkqubo
zolawulo zezikolo. Le mibandela ichotshelweyo ifana twatse naleyo yaseMzantsi Afrika, apho oonqununu kunye nootitshala
bazibona bengakwazi ukujongana nondoqo womsebenzi wabo ngenxa yokwanda kwamanqanaba empatho kwezolawulo,
ukungakwazi ukunika ingxelo noxanduva olukhulu ekulawuleni isikolo. Okona kucacileyo kukuba isiseko sokukwazi
ukusebenza asingqinelani kunye neemfuno eziphuculweyo zezikolo. Isicwangciso esimbaxa sokulungisa le mibandela
kukucikiza nokulungelelanisa iNkqubo yoLawulo yesiKolo soShishino sase-UK ukuqeqesha abaqeqeshwa ngobambiswano
kunye neYunivesithi yaseNtshona Koloni (i-UWC) kunye noogxa bethu base-UK kuze kulingwe inkqubo enesiqinisekiso
yezolawulo lwabasebenzi kuzo zonke izikolo. Inkqubo enesiqinisekiso iza kuhambelana ncam nemigangatho yobhaliso
yakwa-SAQA. Le khosi iza kulandelwa yidiploma kuze emva koko kubekho ikhosi yesidanga eza kwenziwa kwii-HEI
(umzekelo, iYunivesithi yaseNtshona Koloni). Ikhosi yesiqinisekiso iza kwenziwa kwiikholeji zeFET eNtshona Koloni.
Injongo kukuba xa ngaba ingcombolo yolwazi kunye nobungqina zingqinelana namava ase-UK, kuza kwenziwa isingeniso
esibhaliweyo kurhulumente wesizwe sokuba umsetyenzana loo usatyalaliswe kulo lonke ilizwe. Ikhosi eyibhulorho iza
kuqulunqwa emva kovavanyo lwabaviwa lubonakalisa isidingo esinjalo.
Ngo-2007 yinjongo yesebe ukumilisela isiseko esisiso sokuxhobisa abathathi-nxaxheba abohlukeneyo ekwenzeni utshintsho
olubonakalayo kwinkqubo yonke. Kunyaka-mali wama-2007/08 kuza kugxininiswa kuqeqesho olungundoqo kunye
nophuhliso lweemathiriyeli. Inani leendawo ekuza kulingwa kuzo alizi kudlula kuma-200 kodwa alizi kuba ngaphantsi kwi-
150. Oku kukuqinisekisa ukuba ulawuleko kwelinye icala, elixa kuqokelelwa ingcombolo yolwazi ekuza kusetyenziswa yona
ukumilisela izicwangciso zexa elizayo kwelinye icala. Kuza kuthathwa abaviwa kuzo zonke iinkalo ezahlukeneyo kunye
necandelo lezikolo ezizimeleyo.
Isicwangciso Esiliqili Sokwenziwa Komsebenzi Sonyaka 2007/08-2009/10
41