Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
Create successful ePaper yourself
Turn your PDF publications into a flip-book with our unique Google optimized e-Paper software.
MALUNGA NOLU XWEBHU<br />
IsiCwangciso esiliQili soNyaka soKwenziwa koMsebenzi liSebe leMfundo (i-WCED) sicacisa izicwangciso zezemfundo<br />
kaRhulumente wePhondo zeminyaka ukususela ku-2007/08 ukuya ku-2009/10, kugxininiswa ngakumbi koko kuza<br />
kwenzeka kunyaka-mali oqala ngomhla woku-1 ku-Apreli 2007 uye kuphela ngomhla wama-31 kuMatshi 2008. Eli xwebhu<br />
likwabandakanya ingcombolo yolwazi eninzi malunga nemeko ekuyiyo ngoku kwezemfundo: Yintoni imingeni ephambili<br />
iyeyiphi kwaye athini na amangenelelo kaRhulumente kulo mbandela.<br />
Zibini izigaba ezingundoqo kolu xwebhu.<br />
IsiGaba A sicacisa malunga neenkalo ekujoliswe kuzo kunye neenjongo ezicwangcisiweyo zesizwe kunye nendlela<br />
ezixhaswa ngayo zizicwangciso eziliqili kunye nezo zesebe. Kukwachazwa neenkalo zempumelelo kwiphondo eli kwakunye<br />
nemingeni elijongene nayo. IsiGaba A sona sikwacacisa malunga nomkhomba-ndlela ngokuphathelele kwiinkonzo zezikolo<br />
zompeleso (pre-school services), ezezikolo, ezeekholeji ze-FET kunye nezemfundo yabantu abadala.<br />
IsiGaba B sinika iinkcukacha ezipheleleyo malunga neenkonzo zeSebe leMfundo, nemingeni elijongene nayo<br />
kwezentlalo nezoqoqosho. Imibandela ephambili esetyenzisiweyo ukuqulunqa nokucwangcisa ingcombolo yolwazi<br />
kwisiGaba B yile:<br />
• Iinkqubo zohlahlo-lwabiwo-mali lwePhondo. Zizonke zisibhozo ezi nkqubo. Zona zenza amacandelwana<br />
esiGaba B.<br />
• IiNjongo eziCwangcisekileyo. Zona zikhe zavelelwa kwisiGaba A, kodwa kwisiGaba B zihanjiswa nenkqubo<br />
nganye yohlahlo-lwabiwo-mali. Kukho iinjongo ngeenjongo ezicwangcisekileyo ezahlukeneyo zizonke, kwaye<br />
zibonakalisa amacala acwangciselwe ukuba iye ngakuwo le misebenzi ngemisebenzi yohlahlo-lwabiwo-mali.<br />
• IiNjongo eziNgqinisisekayo. Zona zithe kratya ngokuthi ngqo kuneziya njongo zicwangcisekileyo, kwaye zona<br />
zihambelana neenkqubo ezithile.<br />
• IziNgqinisiso zoKwenziwa koMsebenzi. Zona ziphantsi kweenjongo ezingqinisisekayo, kwaye ziyinkcazelomanani<br />
ethathelwe phezulu nguRhulumente, umzekelo, ipesenti yabantwana abakwiminyaka yokuba sesikolweni<br />
kunye nolutsha olubhalisiweyo apha kwisixokelelwano sezemfundo.<br />
• Ujoliso lokwenziwa komsebenzi. Isingqinisiso sokwenziwa komsebenzi ngasinye sineendidi ezintathu zojoliso<br />
lokwenziwa komsebenzi, udidi ngalunye ilolonyaka ngamnye kule minyaka-mali mithathu izayo. Ezi ndidi zojoliso,<br />
nekugxininiswa kakhulu kuzo phaya kuhlalutyo nakwizicwangciso ezinikiweyo kulo mqulwana, zibonakalisa indlela<br />
aceba ngayo uRhulumente ukuphucula ukunikwa kweenkonzo kule minyaka izayo.<br />
IsiHlomelo A sona sidwelisa iziNgqinisiso soKwenzia koMsebenzi (ii-PM) ekuvunyelwene ngazo kundlunkulu.<br />
KwisiNgqinisiso ngasinye soKwenziwa koMsebenzi, inani, inkcazelo emfutshane kunye nenkcazelo endana zinikiwe<br />
zadandalaziswa.<br />
Iinjongo ezicwangcisekileyo, iinjongo ezingqinisisekayo nezingqinisiso zokwenziwa komsebenzi zenziwe zafana kwilizwe eli<br />
lonke, ngamanye amazwi, ziyafana kwiphondo ngalinye (kambe ke kunokwenzeka iinjongo ezicwangcisekileyo<br />
nezingqinisiso zokwenziwa komsebenzi zibekhona ecaleni kwezi zesizwe). Ujoliso lokwenziwa komsebenzi lona lukholisa<br />
ukwahlukana ngokwamaphondo ngamaphondo, kuxhomekeke kwiimeko zelo phondo.