Annual Performance Plan Jaarlikse ... - National Treasury

►PM212: Die prestasiesyfer van die mins bevoordeelde skole tot die mees bevoordeelde skole met verwysing na graad 3
Dit is die gemiddelde van die lees- en wiskundepunte van graad 3-leerders in die armste skole in verhouding tot die gemiddelde vir
die mins arm leerders, uitgedruk as ‘n persentasie. Dit is nie net belangrik om die apartheidserfenis van ongelyke besteding op
leerders te pak nie. Dit is ook belangrik om te verseker dat ongelykhede in leerderuitlae verminder word sodat leerders ‘n meer
gelyke begin in die lewe kan hê.
►PM213: Herhaalsyfer in graad 1 tot 7
Dit is die aantal leerders wat hul huidige graad in graad 1 tot 7 herhaal, gedeel deur alle leerders wat vir graad 1 tot 7 ingeskryf is. ‘n
Hoë herhaalsyfer is beide duur en nadelig vir onderrig en leer. Dit is belangrik dat hierdie prestasiemaatreël so laag as moontlik is.
►PM214: Persentasie leerders in graad 3 wat aanvaarbare uitkomstes in gesyferdheid en geletterdheid bereik
Hierdie prestasiemaatreëls is gebaseer op dieselfde data as PM212. Dit dui die persentasie aan van alle graad 3-leerders wat,
gemiddeld, aanvaarbare uitkomstes in gesyferdheid en geletterdheid bereik.
►PM215: Persentasie leerders in graad 6 wat aanvaarbare uitkomstes in wiskunde, geletterdheid en natuur- en skeikunde
bereik
Hierdie prestasiemaatreël dui die persentasie aan van alle graad 6-leerders wat, gemiddeld, aanvaarbare uitkomstes in
gesyferdheid, geletterd en lewensvaardighede bereik.
►PM216: Persentasie meisieleerders wat wiskunde en wetenskap in graad 8 tot 12 neem
Dit is die persentasie van meisieleerders wat in graad 10, 11 en 12 vir wiskunde en wetenskap ingeskryf is. Histories, was meisies
onderverteenwoordig in hierdie vakke; dus sal verhoogde deelname daarin ‘n belangrike aanduider wees van ‘n beweging na ‘n
meer geslagsgebalanseerde VOO-band.
►PM217: Die prestasiesyfer van die mins bevoordeelde skole tot die mees bevoordeelde skole ten opsigte van die graad
12-slaagsyfer
Dit is die gemiddelde van die Senior Sertifikaat-punte van graad 12-leerders in die armste skole in verhouding tot die gemiddelde vir
die mins behoeftige leerders, uitgedruk as ‘n persentasie. Hierdie prestasiemaatreël is dus soortgelyk aan PM212.
►PM218: Herhaalsyfer in graad 8 tot 12
Dit is dieselfde as PM213, behalwe dat hierdie prestasiemaatreël graad 8 – 12 dek.
►PM219: Slaagsyfer in graad 12-eksamens
Dit is die totale aantal leerders wat die Senior Sertifikaat-eksamen in gegewe ‘n jaar slaag, gedeel deur die totale aantal 18-jariges.
Dit is nie dieselfde as die Matriekslaagsyfer nie. Hierdie prestasiemaatreël neem twee dinge in ag. Eerstens neem dit in ag hoeveel
jeugdiges deelneem aan die eksamens. Tweedens neem dit ook in ag hoeveel jeugdiges wat die eksamen skryf, dit ook slaag.
►PM220: Slaagsyfer in graad 12 vir wiskunde en wetenskap
Dit is die die totale aantal leerders wat óf die wiskunde óf die wetenskap Senior Sertifikaat-eksamens per jaar slaag, gedeel deur die
totale aantal 18-jariges. Soos die algehele slaagsyfer (Kyk PM219), bied hierdie prestasiemaatreël ‘n idee van die omvang van
insette wat die onderwysstelsel bied in verhouding tot die bevolking.
►PM221: Persentasie leerders in graad 9 wat aanvaarbare onderwysuitkomstes in alle leerareas
Hierdie prestasiemaatreël dui die persentasie aan van alle graad 9-leerders wat, gemiddeld, aanvaarbare onderwysuitkomstes
bereik.
►PM301: Persentasie van befondste onafhanklike skole wat vir moniteringsdoeleindes besoek word
Dit is die persentasie onafhanklike skole wat ‘n regeringsubsidie ontvang en vir gehaltebeheerdoeleindes gedurende die jaar deur
die Departement besoek word. Dit is belangrik dat die regering die gehalte van onderwys in onafhanklike skole monitor, veral in dié
wat staatsubsidies ontvang, en optree waar daar nie aan minimum standaarde voldoen word nie.
Jaarlikse Prestasieplan 2007/08 – 2009/10 81