Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
IMBULAMBETHE YOMPHATHISWA WEPHONDO<br />
Ndinethemba lokuba esi siCwangciso seNtsebenzo yoNyaka (APP) singqinelana kakhulu nezicwangciso zikazwelonke<br />
nezephondo kunye neziphumo zazo.<br />
Kunyaka ophelileyo, izikolo eNtshona Koloni zabaneziphumo zematriki ezihle kakhulu nesinebhongo ngazo. Kodwa ke<br />
sinako ukuziphucula ezi ziphumo kwaye masenze ngaphezu koku. Asinakuze sonwabe sinenqanaba lokuphumelela<br />
kwabafundi imatriki bafumane izatifikethi zokudlulela phambili (endorsement rate) elingu-13.53% kuphela kubafundi bethu<br />
abayi-17, 554 be-ex-HOR ne-ex-DET, lo gama izikolo ze-ex-CED inqanaba lokuphumelela kwabafundi bafumane izatifikethi<br />
zematriki zokudlulela phambili kubafundi abayi-6,501 ngo-2006 belingu-52.13%.<br />
Malunga noku, sele ndisenzile isibhengezo samaphulo amathandathu ongenelelo ngoncedo ngokucace gca esiza kuwenza,<br />
angala:<br />
1. Ukuqalisa ukuphucula umgangatho, uphuhliso, iprogram yenkxaso nophuhliso (Quids -Up pogramme). Eli phulo,<br />
nelikhokelwa nguMphathiswa uPandor, lijolise kulwabiwo lwezibonelelo zokufunda ezitsha ezikolweni, ingakumbi kuluntu<br />
oluhluphekileyo nolungathathi ntweni. Iprogram ibandakanya zonke izikolo zaseprayimari ezikumanqanaba entlupheko<br />
(quintiles) lokuqala nelesibini. Ezi zikolo zaseprayimari zizikolo ezithululela abafundi bazo kwizikolo eziziisekondari<br />
ezineziphumo ezibi. Likwabandakanya malunga nezikolo eziphakamileyo eziyi-80 nezineziphumo zeMatriki ezibi.<br />
2. Ukumisela iithagethi: Ekupheleni kukaMatshi 2007 isikolo esiphakamileyo ngasinye kwiphondo, kuza kufuneka simisele<br />
ithagethi yokupasa kwesikolo siphela, ithagethi yokuPasa iMatriki kufunyanwe izatifikethi zematriki zokudlulela phambili<br />
neethagethi ze-Maths/Science ngo-2007. Ezi thagethi mazisayinwe njengezamkelweyo liBhunga loLawulo leSikolo<br />
kwakunye nabameli beRCL. Njengokuba u-2007 ingunyaka wokugqibela wale kharityhulam ikhoyo, zonke izikolo ziya<br />
kukhuthazwa ukuba zenze konke okusemandleni azo ukuba zimisele iirekhodi zentsebenzo yomntu ngamnye kumntu<br />
wonke. Kwakhona ndifuna iithagethi eziya kunciphisa amanani ‘’abafundi abaphuma bengagqibanga esikolweni’’, kumakala<br />
10, 11 no-12 ngo-2007 nakwiminyaka elandelayo. Okokugqibela iithagerthi zolwazi lokufunda nokubhala nolwazi lokubala<br />
ziya kumiselwa nazo ekuhambeni konyaka ka-2007.<br />
3. Ukomeleza ngamandla isiseko sethu sisinabise : makusetyenzwe ngamandla ukuphucula ulwazi lokufunda<br />
nokubhala nolokubala kumfundi wonke. Enye into ecace gca apha kum kukuba asinako ukusuka nje sikhangele izinto<br />
eziyingxaki kwizikolo zethu eziphakamileyo. Kufuneka sisebenza ngamandla kwizikolo zethu zaseprayimari kwangokunjalo.<br />
Isicwangciso sethu solwazi lokufunda nokubhala nolokubala masomelezwe – ingakumbi iiprogram zolwazi lokufunda<br />
nokubhala kusapho kunye nesicwangciso sephondo sethu seenguqu kwiilwimi.<br />
4. Ukwenza izikolo zethu zibe likhaya elikhuselekileyo lokufunda lomntu wonke. Omnye umba oye wachaphazela<br />
izikolo zethu ngokugqithisileyo kulo nyaka nakwiminyaka engaphambili, linqanaba lobundlobongela ngaphakathi<br />
nakwindawo engqonge isikolo, kwakunye nokuziphatha ndlongo-ndlongo kwabafundi. Siza kuqalisa ngephulo lobambiswano<br />
noxhaswano phakathi kwamacandelo ngamacandelo ngohlobo olungazange lwakho ngaphambili, ukuze sakhe ikhaya<br />
lokufunda elikhuselekileyo, ngo-2007 nangaphaya kwakhe. Makumiselwe iindlela zokuziphatha nemigaqo yokuziphatha<br />
kwaye ilandelwe. Kuza kuqaliswa izicwangciso zokuphucula izikolo ezongeza ukuxabiseka kweemfundiso eziziseko. Siza<br />
kuncedisa izikolo zethu ekuphononongeni nasekomelezeni imigaqo yokuziphatha engagqithanga u-Oktobha 2007.<br />
5. Ukubeka iliso nokuvavanya. Ndikholelwa ekubeni inkqubo yohlenga-hlengiso yesebe mayikhokelele kwimiba yezakhono<br />
ezingaphezulu zophando, ukubeka iliso, ukuvavanya nokubanako ukuphendula. Njengeziko lemfundo, omnye umngeni<br />
wethu ophambili kukwazi imeko esingqongileyo, imingeni nezinto ezinokwenzeka nokuba sikwazi ukuhlangabezana nazo.<br />
6. Ukuqubisana nemeko ekwizikolo eziyi-34 ezisenentsebenzo engaphantsi kwe-60%. Ukuba Iqhayiya Secondary<br />
School eKhayelitsha ingafikelela kwinqanaba elincomekayo lokupasa elingu-94% ku-2006 ukusuka ku-39% kunyaka<br />
obengaphambi koku, ngokucacileyo kufuneka silujongisise olu hlobo lwempumelelo, size sizame senze ngokufanayo kuyo<br />
yonke inkqubo yemfundo.<br />
Asinako ukuqhubeka sinyamezele intsebenzo engaphantsi komgangatho. Senze ucazululo olupheleleyo lwesikolo ngasinye<br />
esinentsebenzo engaphantsi komgangatho apho eyona miba ephambili okanye enegalelo ikukulabalaba kobunkokeli<br />
nolawulo, okanye iyingxaki yootitshala abangenazakhono zokufundisa ngokugqithisileyo, ngokuqinisekileyo siya kucinga<br />
iindlela ezinokukhethwa ezinjengokususwa kweenqununu, iikomiti zolawulo oluphezulu zisiwe kwezinye izikolo,<br />
ngokungqinelana nemithetho yabasebenzi.<br />
Ezinye iiprojekthi eziphambili zeSebe leMfundo leNtshona Koloni (WCED) kulo nyaka, zibandakanya ukuphunyezwa<br />
kwesigaba sokuqala sokuhlenga-hlengiswa kwesebe, ukuqulunqwa kweminye imigaqo-nkqubo ephambili, ukwenziwa<br />
kwezicwangciso zengingqi zamalungiselelo okubonelela amancedo ezemfundo; ukwenziwa nokuqaliswa kwenyathelo<br />
lemivuzo ephuculweyo yeenqununu nokuphucula inkxaso kwezolawulo ezikolweni.<br />
ISebe leMfundo labelwe esona sabelo sikhulu i-37% kwibhajethi iyonke ngo-2007/2008, ekuye kwagxininiswa kuphuhliso<br />
lwezakhono, uphuhliso lootitshala, ukuhlawulwa kootitshala nabasebenzi bezolawulo, nokubonelelwa ngezakhiwo neziseko<br />
zophuhliso (infrastructure provisioning).