Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
Annual Performance Plan Jaarlikse ... - National Treasury
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1 Ama-40% oluntu ongasebenziyo aphakathi kwama-15 nama-24 ubudala. Ngoko ke, kummandla wezoqoqosho apho<br />
malunga naphezu kwesigidi esinye sabantu (ngokwengqikelelo, mnye kwabane eNtshona Koloni baphila ngaphantsi<br />
komyinge wokuphila (ama-4, 46% oluntu lonke lwesizwe ngonyaka wama-2004) kunye nama-23, 6% oluntu luhlala<br />
lungasebenzi (kwaye uninzi lwalo lulutsha), umgangatho wokukhula kwezoqoqosho kunye namazinga emfundo, zezona<br />
nkalo zibalulekileyo zempumelelo ukuguqula isimo sophuhliso kwiphondo.<br />
Umngeni wesithathu wonikezelo lweenkonzo ojamelene ne-WCED kumiliselo lwe-HCDS, kukungasihambi kakuhle isikolo<br />
okwandayo kubafundi nootitshala ngenxa yokugula, usetyenziso kakubi lweziyobisi (ingakumbi ‘i-tik’ eNtshona Koloni),<br />
nezenzo zobundlobongela nobudladlunge ezithe tshitshilili kwizikolo zeli, impatho-mbi ngokwesini, ukukhulelwa kwabafundi<br />
ne-HIV/AIDS – konke oku kuphehlwa yindlala nokungalingani. Nangona ekho amathuba amahle kwezoqoqosho,<br />
ukungalingani okoyikekayo nokubandlululana ngokobuhlanga kwiphondo ngowona mbandela otshisa ibunzi. Ukusilela<br />
ukulungisa oku kungalingani nemibandela enxulumene ne-HIV/AIDS nokhuseleko ezikolweni konke oku kuza kuqhubeka<br />
ukuba ngumqobo ekufezekisweni kweenjongo ze-HCDS kwaye kuza kuba nefuthe elikhulu kwindlela abafundi bonke abathi<br />
bazalisekise ngayo amaphupha abo. Nangona le mingeni iye isanda ngokwanda (nenani leenkedama nabantwana<br />
abasesichengeni liyaqhubeka nokwanda), umgangatho wokufunda nokufundisa (kunye nofezekiso lweenjongo zohlumo<br />
nophuhliso zephondo zeKapa eliHlumayo, nombono walo 'wekhaya lethu sonke') zisesichengeni esingumangaliso. Imeko<br />
enje inyanzelisa ukuba kubekho iinguqu kwindima yokufundisa kootitshala, nto leyo ekhokelela ukuba ootitshala bazibone<br />
ngoku bedlala indima yokuba ngoonokhaya, abaluleki abanika inkxaso ngokwasemphefumlweni kubafundi abasisisulu<br />
sempatho-gadalala, nokubaxhobisa kananjalo ngezakhono zokuphila beselula.<br />
A.2.2 Imingeni yomgaqo-nkqubo wesizwe/wephondo<br />
Ukumelana ngempumelelo nokuvakalayo nokungalingani kunye namazinga asezantsi entembeko kumgangatho wemfundo<br />
kufuna amanyathelo athe tsotsololo ngakwicala likarhulumente nakwimfundo ukwandisa nokuphucula ukusebenza<br />
nempumelelo yabafundi. Kwi-WCED, umngeni womgaqo-nkqubo kukulungelelanisa iinjongo eziphambili zemfundo kwiinkalo<br />
zoziso lweenkonzo kwezophuhliso lwemfundo yabaqalayo, imfundo noqeqesho jikelele, imfundo noqeqesho ephezulu kunye<br />
nemfundo yabadala. Ngokomxholo weStratheji soPhuhliso noHlumo lwePhondo nokubekwa phambili kophuhliso<br />
lwezakhono nokwandiswa kwecandelo le-ECD, i-WCED inokuzibona isabelo sayo semithombo yoncedo ijoliswe kwezi nkalo<br />
zimbini kuphela. Nangona kunjalo, kubalulekile ukuba kubekho isiseko senkxaso sibe luqilima kwibhendi yemfundo<br />
noqeqesho jikelele kusetyenziswe amaphulo anjengeenkqubo zezikolo ezingahlawulisi mali, inkqubo yabancedisi bootitshala<br />
neNkqubo kaZwelonke yeSondlo eZikolweni (i-NSNP).<br />
Amaphulo aqhubayo agxininisa kakhulu kulwandiso lwemithombo yoncedo eyabelwa izikolo namaziko emfundo ephezulu,<br />
nakumelaneni nemingeni yamaziko nolawulo, kunye nohlaziyo lwekharityhulam.<br />
Usungulo ‘lwezikolo ezingahlawulisi mali’ ukuqinisekisa ufikelelo lwabo bonke kwimfundo ngowona mgama uphambili<br />
uhanjiweyo ukuza kuthi ga ngoku, namalinge aqinisiweyo okuphucula umgangatho wemfundo ngonikezelo kwezixhobo<br />
zokuncedisa, ukuziswa kweencwadi ezikolweni, iidesika, amanzi nogutyulo lwelindle.<br />
Ubumbo loxhotyiso lootitshala neenqununu ukuxhasa nokulawula iinkqubo zokufundisa nokufunda ezikolweni kubaluleke<br />
kakhulu kuphuculo oluzingileyo lomgangatho wemfundo. Ukuphuculwa kwezithwaselo zemfundo nokusebenza kootitshala<br />
kubalulekile kakhulu kuphuhliso lwemfundo nemithombo yoluntu ngokuhamba kwexesha. Inkqubo yophuhliso lootitshala<br />
sele luqhubeka sithetha nje, lujolise ekuphuculeni izithwaselo zemfundo zootitshala abasebenzayo ukumelana neemfuno<br />
zekharityhulam entsa, ingakumbi ilitherasi yemathematika nesifundo ngezobomi, ndawonye nezakhono zolawulo<br />
nobunkokheli beenqununu zezikolo.<br />
Icandelo lemfundo kufuneka nokuba maliqhagamshelanise kwizinto eziphambili ngokubaluleka zesizwe ezifana ne-<br />
Accelerated and Shared Growth Initiative (ASGI). Kule meko ke iikholeji ze-FET ziziintsika zezicwangciso eziliqili<br />
ekuvunyelweneyo ngazo. Iikholeji ze-FET ziyahlaziywa kungoku nje khona ukuze zikwazi ukuqhuba nezifundo zobugcisa<br />
nezemisebenzi yobizo ngeenjongo zokuqinisekisa ukuba abafundi baba neenkalo ngeenkalo zemfundo abanokuzilandela.<br />
Amalungiselelo enziwe ukulungiselela ukusungulwa kwenkqubo yebhasari nemboleko-mali kwi-FET ukuxhasa ufikelelo<br />
lwabafundi abahluphekayo kumathuba emfundo yobugcisa.<br />
Isebe leMfundo leSizwe lijolise ekusunguleni inkqubo yokufunda yabantu abadala bonke kunyaka wama-2007/08 ukumelana<br />
nemingeni yokufunda okungundoqo njengelungelo lomntu negalelo elikhulu kubumbano kwezentlalo. Oku kuza kwenziwa<br />
kubanjisenwe kanye nemibutho engenanto yakwenza norhulumente, amaziko emfundo abafunda abantu abadala kunye<br />
namavoluntiya.<br />
1 Imali eyingeniso yekhaya (household income) engaphantsi kwe-R800 ngenyanga (njengoko ichazwayo kwi-PGDS, 2006)<br />
Isicwangciso Esiliqili Sokwenziwa Komsebenzi Sonyaka 2007/08-2009/10<br />
9
Change language