Annual Performance Plan Jaarlikse ... - National Treasury

Ten einde die bevindinge van die Ouditverslag te hanteer en in ‘n poging om alle aspekte van finansiële bestuur en
rekenkundige verantwoordelikhede drasties te verbeter in die rigting van ‘n Vlak 4-ouditeerbare organisasie, het die
departement –
• ‘n Ouditmoniteringskomitee gestig
• Die Prestasieooreenkomste van Programbestuurders gewysig
• Spesifiek opgetree met betrekking tot die gekwalifiseerde items, beklemtoonde items, en die waarde vir geldouditte.
Ter voorbereiding van die 2006/07-oudit, het die departement in gesprek getree met die Provinsiale Ouditeur-Generaal
en die Provinsiale Tesourie oor die probleemareas wat uit die 2005/06-Ouditverslag geblyk het.
Ontleding van beperkinge en beoogde maatreëls om dit te oorkom
Die integrasie van die verskillende gehalteversekerings- en aanspreeklikheidsmaatreëls wat ingevoer is, is ‘n gewigtige
uitdaging vir die WKOD. Dit is belangrik om te verseker dat hierdie maatreëls tot verbeterde onderrig en leer lei en nie as ‘n
doel opsigself beskou word nie.
Die WKOD is onderhewig aan ‘n wyer verskeidenheid moniterings-, evaluerings- en aanspreeklikheidsprosesse. Dit sluit die
volgende in:
• Ouditering van finansiële bestuursprosesse op ‘n jaarlikse basis, deur die kantoor van die provinsiale Ouditeur-
Generaal. Die departement moet verbeter op die gehalte van sy finansiële bestuur ten einde ‘n ongekwalifiseerde
ouditverslag te verseker;
• Verskynings by gereelde sessies met die Onderwysportefeuljekomitee en die Staande Komitee vir Openbare
Rekeninge in die Provinsiale Parlement;
• Gereelde vergaderings (of inligtingsbesoeke) saam met onderwysbelanghebbendes by die LUR en die Superintendent-
Generaal om inligting te deel oor die jongste ontwikkelings in onderwys, of bloot op die hoogte gebring te word van
probleme wat deur opvoeders en skoolbestuurders ondervind word;
• Die WKOD is reeds onder die verpligting om ‘n jaarlikse verslag van sy aktiwiteite aan die Wetgewer voor te lê. Die
Jaarlikse Verslag-dokument kan deur die breë publiek bekom word en laat die onderwysgemeenskap toe om die
suksesse of mislukkings van die departement in terme van sy wetgewende en beleidsmandate en sy strategiese planne
te monitor; en
• Deurlopende monitering en evaluering deur die Gehalteversekeringsfunksie in die departement.
Deurlopende intervensies rakende die opleiding van lede van skoolbestuurspanne sluit in die bestuur van die kurrikulum,
aanmoeding van positiewe leerdergedrag, vroue in leierskap, beleidsbestuur, inklusiewe onderwys, die holistiese bestuur
van MIV/VIGS en ander psigo-sosiale ontwikkelingsuitdagings wat skoolgemeenskappe in die gesig staar, die jongste
wysigings aan wette en getekende resolusies.
Jaarlikse Prestasieplan 2007/08 – 2009/10 28