Annual Performance Plan Jaarlikse ... - National Treasury

BYLAE A: PRESTASIEMAATREËLS
Hierdie bylae lys die 39 nasionaal ooreengekome kern- prestasiemaatreëls (PM’s). Vir elke prestasiemaatreël, word die nommer,
die kort beskrywing en die langer beskrywing voorsien.
►PM001: Persentasie van kinders van verpligte skoolgaande ouderdom wat skool bywoon
Dit is die persentasie kinders van verpligte skoolgaande ouderdom in die provinsie wat enige skool of onderwysinrigting bywoon.
Hierdie prestasiemaatreël dui aan hoe effektief die onderwysregte van kinders, soos in die Grondwet verwoord, vervul word, en die
mate waartoe voldoen word aan die bepalings van die Suid-Afrikaanse Skolewet met verwysing na verpligte skoolbywoning.
►PM002: Persentasie jeugdiges bo verpligte skoolgaande ouderdom wat skole en ander onderwysinrigtings bywoon
Dit is soortgelyk aan PM001, behalwe dat hierdie prestasiemaatreël na ouer kinders verwys. Dit is die persentasie van die bevolking
in die provinsie wat tussen 15 en 17 jaar oud is en enige skool of ander onderwysinrigtings bywoon. Dit dui aan hoe suksesvol die
regering en die land is in die voorsiening van skool en ander onderwys bo die basiese onderwysvlak. Terwyl die Grondwet nie
onderwys vir hierdie groep ‘n basiese reg maak nie, verplig dit die regering om verdere onderwys progressief meer beskikbaar en
toeganklik te maak vir ons jeug.
►PM003: Openbare besteding aan die armste leerders as ’n persentasie van openbare besteding op die mins arm leerders
Dit is die regering se besteding op die armste een vyfde van kinders en leerders as ‘n persentasie van die regering se besteding op
die mins arm een vyfde. Gedurende die laaste jare van apartheid was die persentasie ongeveer 20%. Dit is die regering se doel om
hierdie persentasie te verhoog tot meer as 100% vir alle provinsies. Daar is baie faktore wat hierdie persentasie op en af laat
beweeg; die regering se pro-arm-beleid rakende posvoorsiening en skooltoekenning; die regering se skoolbouprogramme (stoot die
persentasie op); die aantal arm kinders wat nie skool bywoon nie (en dus geen onderwysbefondsing ontvang nie); probleme om
onderwysers na landelike gebiede te lok (hierdie faktore verlaag die persentasie).
►PM004: Jare insette per VOO-kollege-afgestudeerde
Dit is die aantal jare van skoolonderwys wat die regering belê om elke graad 12- of ekwivalente afgestudeerde te lewer. Omdat
leerders herhaal, en omdat leerders die skoolstelsel voor die einde van graad 12 verlaat, is die aantal jare altyd meer as 12. Deur
die aantal jare egter minder so min as moontlik te hou, kan die regering aan meer mense onderwys van ‘n beter gehalte voorsien.
►PM005: Gemiddelde hoogste graad behaal deur volwassenes in die bevolking
Die maksimum waarde moontlik vir hierdie prestasiemaatreël is 12. Dit sal die geval wees as alle volwassenes in die bevolking
graad 12 voltooi het. Soos wat ons samelewing meer geskoold word, behoort die waarde van hierdie prestasiemaatreël te verhoog.
Ons moet redelik geleidelike toenames verwag, omdat dit baie jare neem vir skoolopvoeding en ABET om die algehele
onderwysvlakke oor die bevolking heen te verander.
►PM006: Volwassenegeletterdheidsyfer
Dit is die persentasie volwassenes wat kan lees en skryf, ten minste op basiese vlak. Ons Grondwet waarborg die reg op basiese
onderwys aan alle volwassenes wat in die verlede hiervan uitgesluit was. Vir redes wat met menseregte verband hou, maar ook vir
redes wat met ekonomiese ontwikkeling verband hou, is dit ‘n belangrike prestasiemaatreël vir die regering. Ons doel moet wees ‘n
100%-volwassenegeletterdheidsyfer.
►PM101: Persentasie skole wat die Skooladministrasie en –Bestuurstelsels implementeer
Die Skooladministrasie en Bestuurstelsel (SABS) is ‘n nasionaal ontwerpte en gerekenariseerde stelsel wat skole in staat stel om
inligting oor hul leerders, personeel, fasiliteite en finansies meer doeltreffend te gebruik. Hoe groter die aantal skole wat oor SABS
beskik, des te beter kan ons van skole verwag.
►PM102: Persentasie skole wat elektronies gekontak kan word deur die departement
E-pos help skole om vinnig met die Departement in verbinding te tree wanneer daar ‘n probleem is wat die Departement moet
hanteer. Hierdie wyse van kommunikasie stel ook die Departement in staat om vinnig en teen lae koste inligting te kommunikeer oor
beleidsveranderinge, deurlopende projekte en algemene omsendbriewe. Dit is die regering se doel om te verseker dat alle skole ekonnektiwiteit
geniet.
►PM103: Persentasie swart vroue in bestuursposisies
Dit is die persentasie swart vroue in bestuursposisies. Alhoewel diensbillikheid ‘n aantal areas dek, is swart vroue in
bestuursposisies baie belangrik om die vordering op weg na diensbillikheid in Provinsiale Onderwysdepartemente te belig.
Jaarlikse Prestasieplan 2007/08 – 2009/10 79