Annual Performance Plan Jaarlikse ... - National Treasury

e) Toegewyde steunpersoneel by die OBOS sal voortgaan om steun te bied vir die geletterdheid/gesyferdheidstrategie
wat in 2006 amptelik geloods is ná uitgebreide konsultasie onder WKOD-rolspelers by hoofkantoor en op OBOS-vlak.
As deel van die aanbieding van geletterdheid en gesyferdheid in die provinsie het alle graad 3- en graad 6-klasse ‘n stel
van 100 boeke ontvang om te lees, en alle graad 3- en 6-leerders het ‘n wiskundehandboek. Monitering van
klaskamerpraktyk is geïnisieer maar weens uitdagings geopper deur onderwysersunies is dit eers teruggehou
onderhewig aan ‘n klaskamerbesoek-protokol waaroor ooreengekom sal word. As deel van hierdie strategie, is die taalin-onderwys-beleid,
wat moedertaalonderrig vir die eerste drie jaar van skool aanmoedig, ontwikkel. In 2006 is dit na
skole versprei en daarna verder gedebatteeer by die Taal-in-Onderwys-colloquium wat in Julie 2006 gehou is.
f) Voorbereiding vir die verdere implementering van die nuwe VOO-kurrikulum het relatief glad gevorder. Alhoewel
middeljaar-graad 10-resultate aanvanklik ‘n bron van kommer was, is uitgebreide steunprogramme en stelsels in skole
geïmplementeer om te help om hierdie resultate te verbeter. Voorlopige verslae oor jaareind-slaagsyfers toon ’n
slaagsyfer van 74%, met die Suid-Kaap/Karoo wat ‘n verbetering toon op vorige jare. Addisionele opleiding van 9872
graad-11 VOO-onderwysers het in Junie plaasgevind, met langer opleidingsessies vir nuwer vakke insluitend landbou,
dansstudies, tegnologievakke (insluitend CAT en IT).
g) Die WKOD het aan die voorpunt gestaan van die gebruik van IKT-tegnologieë in skole, en sal voortgaan hiermee. Die
Khanya-projek het 575 skole gehelp met die effektiewe gebruik van IKT-tegnologie, met ‘n verdere 276 skole in
verskillende stadia van voorbereiding. 22 271 rekenaars word in Khanya-skole gebruik, met tegnologie wat deur 14 993
opvoeders effektief gebruik word vir kurrikulumlewering en uitbreiding van toegang na 496207 leerders. Khanya word
deurlopend erken as ’n vernuwende krag in skoolgebaseerde IKT-tegnologieë. Groei in breëband-konnektiwiteit vir
skole en die voortgesette uitrol van IKT-infrastruktuur in skole sal deur CEMIS, Khanya en die Telekommunikasieprojek
gehanteer word. Die Khanya-projek het ook nog ‘n Goue Toekenning vir uitnemendheid van die Impumelelo
Innovations Award Trust ontvang. Die Trust gee toekennings vir uitsonderlike projekte wat vennootskappe met die
openbare sektor behels en die lewensgehalte van arm gemeenskappe op innoverende wyses verhoog. Die sitaat vir die
toekenning lees as volg: "’n Omvattende en veelfasettige benadering tot die onderwyservaring in klaskamers regoor die
Wes-Kaap is die dryfkrag agter die installering van rekenaars in klaskamers in skole die afgelope vyf jaar. Rekenaars
word nie in isolasie geïnstalleer nie, onderwysers ontvang opleiding, skole word voorsien van hoëspoed-
Internettoegang en dit word van skole verwag om ‘n 'vennootskaps-' benadering tot die projek aan te neem deur ten
minste hul energie te gee om hul verbintenis te demonstreer. Die steun wat deur die gemeenskap gegee word het gelei
tot ’n afname in die voorkoms van diefstal, aangesien gemeenskappe eienaarskap van die skole aanvaar het.”Die Goue
Impumelelo-toekenning is die 11de toekenning wat in die afgelope twee jaar aan die Khanya-projek toegeken is.
h) Die invoer van die NKV in graad 10 tot 12, beginnende met graad 10 in 2006, het besonder goed verloop. ’n Wye
reeks voorbereidende aktiwiteite het ingesluit ’n hoogs suksesvolle konferense vir skoolprinsipale en ander
skoolbestuurders. Onderwysers het goed gereageer op opleiding in die hersiene nasionale kurrikulum vir graad R tot 9.
Voortgesette uitrol van die NKV in graad 7 – 9 is ondersteun deur vyfdaagse oriënteringsessies vir opvoeders. In 2006,
het 2800 graad 8- en 9-opvoeders sodanige sessies bygewoon. GTA’s vir graad 9 is na alle skole versprei en die
voorsiening van handboeke aan graad 8- en 9-skole in die laer kwintiele word deur middel van die Inkxaso-projek
voortgesit.
i) Die voortgesette verbetering van toegang tot graad R en die gehalte van graad R-onderrig en leer is verseker met die
invoer van ‘n nuwe subsidiestelsel vir graad R-leerders en die verspreiding van nuwe onderrig- en leerstelle wat
leerders help om aan die vereistes van die nuwe kurrikulum te voldoen. ’n Geïntegreerde
Vroeëkinderontwikkelingstrategie is deur die provinsiale wetgewer goedgekeur, en die Nasionale Geïntegreerde plan is
in Oktober 2006 geloods. ’n Verdere 6 000 leerders ontvang ‘n subsidie en dit bring die totaal op 31300 te staan.
Ongelukkig is baie leeromgewings maar traag om aansoek te doen om subsidies en hul Jaarlikse Kitsopnameresultate
in te dien. Die WKOD het die subsidie vir graad R verdubbel van R3 tot R7 per kind per skooldag, en die WKOD sal die
opleiding waarneem van 900 VKO-praktisyns wat deur die Departement van Maatskaplike Ontwikkeling geïdentifiseer
is, as deel van ‘n breër Uitgebreide Openbare Werke-Program (UOWP).
j) Die WKOD het ses van die agt toekennings vir uitnemendheid gewen by die 2006- Premierstoekennings vir
Uitnemendheid. 9 uit 13 projekte van die WKOD was onder die finaliste. ’n Breederivier/Overberg BVOO-projek het die
top-toekenning gewen.
• Goud: Breederivier/Overberg-projek - 160 Dae Intervensie vir BVOO-sentrums
• Silwer: Khanya-projek; en die WCED-Kliëntediens
• Brons: SA Skole Koor-Eisteddfod-projek (SASKE); Kaapse Onderriginstituut; LSOB-Adviseursprojek (Spesiale
Onderwys).
• Ander WKOD-projekte wat onder die finaliste was, was die Western Cape Movement Education Association, die
Onderwyserassistent-projek en die Kurrikulum IKT/KM-eenheid. Die Gold Peer Education-Projek, gesamentlik
voorgelê deur die WKOD en die Departement van Gesondheid, was ook onder die finaliste.
Jaarlikse Prestasieplan 2007/08 – 2009/10 13