Annual Performance Plan Jaarlikse ... - National Treasury

Iinjongo ze-LAS zezi -
• Ukunyusa ukusebenza kwezikolo kwinqanaba lokupasa uviwo lwesiqinisekiso sematrikhi elingaphantsi kwama-60%.
• Ukuphucula umgangatho wokusebenza kwabafundi kwiimviwo zesiqinisekiso sematrikhi.
• Ukuqinisekisa ukuba akukho sikolo sihlisa umgangatho wokusebenza ngaphezu kwama-10%.
Inkqubo yokufunda iphinde yaqhuba kakuhle kakhulu xa kuthelekiswa namanye amaphondo, inqanaba lokupasa ngama-83, 7%
kwiimviwo zesiQinisekiso seMatrikhi. Abafundi beeMviwo zesiQinisekiso seMatrikhi ngoku bafikelele kwinqanaba lokupasa
elingaphezu kwama-80% kwiminyaka emithandathu ilandelelana. Inani lezikolo zikarhulumente ezifikelele kwinqanaba
lokupasa elingaphantsi kwama-60% lingama-34 ngo-2006; nangona kunjalo, kwizikolo ezingama-34 ebeziyinxalenye ye-LAS,
ngo-2006, ngama-22 kuphela athi aphuma kwiLAS kwashiyeka i-12.
• Imimiselo yonikezelo ngezithuba zemisebenzi
Izithuba zemisebenzi zezikolo zikarhulumente zesiqhelo zinikwa ingqwalasel minyaka le ngokwemiqathango yemimiselo
yonikezelo lwezithuba zemisebenzi. Njengoko kugqaliselwe ngokomthetho, imibutho yabasebenzi kwiBhunga loLawulo
lezobuDlelwane eMsebenzini kwezeMfundo kwiPhondo (i-PELRC) kunye nemibutho yamaBhunga alawula izikolo aziwayo
kuyathethathethwana nayo malunga nokuvuleka kwezithuba zokuqesha zootitshala kunye nengqwalaselo kwizithuba ezikhoyo
zabasebenzi kwizikolo zikarhulumente zesiqhelo.
IiNtloko zeKomiti yeMfundo (i-HEDCOM) zizo eziphumeza ngokusesikweni imimiselo yonikezelo lwezithuba zengqesho
ezikhoyo emva kokwenziwa kweenguqu kwikharityhulam yeBanga 10.
I-WCED yandisa inani elipheleleyo lezithuba zokufundisa kwiphondo ngama-500 nto leyo ekhokelele ukuba izithuba zootitshala
zibe ngama-30 872 ngo-2007.
• Ukhuseleko ezikolweni
Njengokuba kunjalo kwihlabathi lonke, umba wokhuseleko ezikolweni uya umxhalabisa ngokumxhalabisa urhulumente.
INtshona Koloni ibhuqwa ngakumbi yile ngxaki njengoko bugquba kakhulu ubugewu nobudlova bemigewu ezikolweni, buhamba
nesihlava esibi kunene esikukusetyenziswa kotywala neziyobisi. Ngobambiswano namanye amahlakani, ngakumbi iSebe
loKhuseleko lweNtlalo, esi sihlava kuzanywa shushu ukusinyothula.
UMsebenzi weZikolo ezinoKhuseleko untlangothi-ntathu, ezibandakanya ezi zinto zilandelayo:
• IZiko loQhagamshelwano ngoKhuseleko lweZikolo (Safe Schools Call Centre), apho zinokuxelwa khona iingxaki ngeengxaki
eziphathelele kukhuseleko ezikolweni nalapho abo bachaphazelekayo nabaxhwalekileyo ngokwasemphefumlweni banokucela,
bafumane uncedo ngeengcebiso.
• Ukubonelela ngeendawo ezikhuselekileyo: lo msebenzi ujolisa ekufakelweni kwezinto eziqinisekisa ukhuseleko,
ezibandakanya iingcingo zokhuseleko neentsimbi zokulumkisa (alarms) kwezo zikolo zisemngciphekweni kakhulu. Lo
msebenzi ukwabandakanya neendlela ezingamacebo okuzisindisa (survival strategies).
• Imisebenzi yemfundo ejolise kwiimpawu zentsulungeko neengqondo ezihluzeke kakuhle, neziinjongo zazo ikukutsalela
umdla wabafundi kwezo zinto zakhayo ezifana nemidlalo, izinto zobugcisa nemidlalo yeqonga, ijolise kwimisebenzi
yekamva labo.
• Ulawulo ezikolweni
• Izikolo zeCandelo 21
Zizikolo ezingama-934 kwezingama-1450 zizonke (okanye ama-64,4% zezikolo zonke zesiqhelo zikarhulumente) ezithe
zanikwa inqanaba leCandelo 21 (loMthetho weZikolo zaseMzantsi Afrika, 1996) (uMthetho onguNombolo 84 ka-1996) (i-
SASA). Ezishiyekileyo ezingama-516 zisanikwa ingqwalasela eyodwa. Zonke izikolo zifumana inkxaso ethe gqolo
kwezokuphathwa kwezemali nolawulo.
• Izikolo ezingahlawulisi mali
Ukuzama ukunciphisa iindleko zemfundo yabantwana babo ezandayo kubazali abangathathi ntweni kunye nokwandisa
ufikelelo kwimfundo, i-SASA yahlonyelwa ukuvumela ukuba uMphathiswa wezeMfundo kwisizwe anike ingqwalasela kwiiquintile
zesizwe zezikolo zikarhulumente ekufuneka zingahlawulisi mali ukusukela ngoJanuwari 1, 2007.
Isicwangciso Esiliqili Sokwenziwa Komsebenzi Sonyaka 2007/08-2009/10
40